दिवंगत सदस्यको ऋण मिनाह एवं महिला समूहबाट राहत वितरण कार्यक्रम सम्पन्न
यस किसान साकोसका शेयर सदस्य गैंडाकोट-७, निवासी ईन्दिरा घर्तीको यही मिति २०७७ श्रावण १७ गते ४२ बर्षको उमेरमा असामहिक स्वर्गारोहण भएको हुँदा संस्थाले शोक सभा कार्यक्रम गरी दिवंगत आत्माको चिर शान्तिको कामना गर्दै श्रद्धाञ्जली अर्पण साथै शोक सन्तप्त परिवारलाई समवेदना व्यक्त गरेको छ।
कार्यक्रममा संस्थाका अध्यक्ष श्री श्रीहरि चालिसे, संस्थाका सिईओ. श्री नवराज सापकोटा, विजयनगर सेवाकेन्द्रका संयोजक श्री नरबहादुर थापा, विजयनगर सेवाकेन्द्रका लघुवित्त उपसमिति संयोजक श्री डिला शर्मा, संस्थाका लघुवित्त प्रमुख प्रेम प्रसाद अधिकारी लगायत कर्मचारीहरूको उपस्थिति थियो।
संस्थाका लघुवित्त प्रमुख श्री प्रेम अधिकारीको कार्यक्रम सहजीकरणमा अध्यक्ष श्री श्रीहरि चालिसेद्वारा शोक मन्तव्य सहित सदस्यले लिएको ऋण मिनाहको जानकारी गराउँदै परिवारजनलाई समवेदना पत्र प्रदान गर्नु भएको थियो ।
साथै ज्ञानज्योति महिला समूहको तर्फबाट पनि सम्बेदना एवं राहत रकम परिवारजनलाई हस्ताण्तरण गरिको थियो।
– २०७७/०४/२५
किसान सकोसद्वारा गैंडाकोट नगरपालिकालाई स्वास्थ्य सामग्री प्रदान
किसान बचत तथा ऋण सहकारी संस्था लिमिटेडद्वारा गैंडाकोट नगरपालिकालाई स्वास्थ्य सामग्रीहरु प्रदान गरेको छ । सहजसेवा केन्द्र गैंडाकोट-४मा आयोजना गरिएको एक विशेष कार्यक्रममा गैंडाकोट नगरपालिकालाई स्वास्थ्य सामग्री अन्तरगत ६ वटा विरामी सुत्ने बेड प्रदान गरिएको हो । गैंडाकोट नगरपालिका वडा न.४ सहज सेवा केन्द्र परिसरमा आयोजित कार्यक्रममा किसान बचत तथा ऋण सहकारी संस्था लिमिटेडका अध्यक्ष श्रीहरि चालिसेले गैंडाकोट नगरपालिकाका नगर प्रमुख छत्र राज पौडेललाई स्वास्थ्य सामाग्रीहरु प्रदान गर्नुभएको थियो ।
पछिल्लो समय कोरोना महामारीका विरुद्धको अभियानमा नगरलाई नगद १ लाख ४१ हजार प्रदान गरेको किसान साकोसले गैंडाकोट नगरका जनतालाई स्वास्थ्य उपचारको क्रममा बेडको अभाव नहोस भन्ने उद्देश्यले ६ वटा बेड प्रदान गरिएको किसान बचत तथा ऋण सहकारी संस्थाका अध्यक्ष श्रीहरी चालिसेले बताउनु भयो । संस्थाको सामाजिक उत्तरदायित्व अन्तर्गत कोरोनाको महामारी विरुद्धको अभियानमा जुट्न सहज होस भन्ने मनसायले संस्थाको एम्बुलेन्स पनि नगरलाई सञ्चालन गर्न दिईएको अध्यक्ष चालिसेले जानकारीदिनुभयो । संस्थाका अध्यक्ष चालिसेको अध्यक्षतामा भएको सो कार्यक्रममानगरपालिकाका प्रमुख छत्रराज पौडेल प्रमुख अतिथि रहनु भएको थियो ।
कार्यक्रममा आफ्नो मन्तब्य राख्दै प्रमुख अतिथी एवं नगर प्रमुख पौडेलले किसान साकोसले नगरको अभियानमा सँधै सहयोग गर्दै आएकोमा धन्यवाद दिनुभयो । त्यसै गरी कार्यक्रममा साकोसका अध्यक्ष चालिसेले संस्थाले समाजका विभिन्न क्षेत्रमा विशेष योगदान गर्दैआएको र आगामी दिनमा पनि विशेष भूमिका निर्वाह गर्दै जाने प्रतिवद्वता समेत सोअवसरमा व्यक्त गर्नुभयो । किसान साकोसका पूर्वअध्यक्ष तिलक प्रसाद पराजुली, प्रमुख कार्यकारी अधिकृत नवराज सापकोटा, सहज फाउण्डेसनका डिल्ली सिग्देल, साकोसको सहज केन्द्रको व्यवस्थापन समितिका सदस्यहरु, कर्मचारीहरू र प्रत्रकारहरूको उपस्थित रहेको सो कार्यक्रमको केन्द्रका संयोजक तीर्थराजरिमालले सहजीकरण गर्नु भएको थियो ।
– २०७७ साउन २१ 6-Aug-2020
किसान साकोस रजत महोत्सब बर्ष २०७७ घोषणा तथा लोगो अनावरण एवं सबै सेवाकेन्द्रमा दिप प्रज्जवलन गरी मनाईदै
किसान बचत तथा ऋण सहाकरी संस्था लि. गैंडाकोटले आज किसान साकोस रजत महोत्सब बर्ष २०७७ घोषणा तथा लोगो अनावरण गरेको छ । संस्थाको सभाहलमा आयोजित रजत महोत्सव वर्ष घोषणा कार्यक्रम संस्थाका अध्यक्ष श्रीहरि चालिसेको अध्यक्षता, गैंडाकोट नगरपालिका वडा नं. ८ का वडाध्यक्ष तथा संस्थाका सल्लाहकार एवं संस्थापक सदस्य डिलाराम रिजालको प्रमुख आतिथ्यता र संस्थाका उपाध्यक्ष भोजराज पौडेलले स्वागत मन्तव्यबाट शुरु भएको थियो ।
कार्यक्रममा प्रमुख अतिथिले रजत वर्षको लोगोको अनावरण गरी कार्यक्रमको समुद्घाटन गर्नुभएको थियो । कार्यक्रममा संस्थाका प्रमुख कार्यकारी अधिकृत नविन सापकोटाले संस्थाको स्थापना कालदेखिको विकास क्रमलाई सम्झँदै हालसम्मको वित्तीय अवस्था प्रस्तुत गर्नुभएको थियो । संस्थाका कुल ६० हजार सदस्य र दुई अरब भन्दा बढीको पूँजी परिचालन गर्दै सदस्यहरुलाई सेवा प्रदान गरिएको प्रमुख कार्यकारी अधिकृतले जानकारी गराउनुभयो । कार्यक्रममा संस्थाका संस्थापक अध्यक्ष कृष्ण प्रसाद शर्माले २५ जनाको समूहबाट शुरु भएको संस्था विधिवत् रुपमा दर्ता हुँदै अहिले नवलपरासी, चितवन र तनहुँको क्षेत्रमा सेवा प्रदान गरेको साथै देश विदेशमा समेत ख्याती प्राप्त गर्न सफल भएकोमा धन्यवाद दिँदै खुशी व्यक्त गर्नु भएको थियो ।
कार्यक्रममा संस्थाका सल्लाहकार एवं समाजसेवी मदनभक्त अधिकारी, संस्थाका पूर्व अध्यक्ष एवं नवलपरासी जिल्ला बचत तथा ऋण सहकारी संस्था लि.का अध्यक्ष माधव प्रसाद गौतम, निर्वतमान अध्यक्ष गोपाल प्रसाद गौतम, लेखा तथा सुपरिवेक्षण संयोजक चिन्तामणि कण्डेलले संस्थाले सदस्यहरुको लागि प्रभावकारी सेवा प्रदान गर्दै आईरहेकोमा धन्यवाद दिँदै हाल विश्वमा आईरहेको कोरोना भाईरसको असर र आगामी दिनमा आउन सक्ने महामारीमामा पनि अझ क्रमशः सेवा स्तरोन्नति गर्दै प्रविधिमा जोड दिनुपर्ने अवस्था आएको बताउनुभयो ।
संस्थाले हालसम्म २५ वटा संस्थासँग एकीकरण गरी एकिकृत सेवा प्रदान गर्दै आएकोमा यस रजत वर्षको कार्यक्रम सम्पन्न गर्नको लागि अध्यक्षको संयोजकत्वमा सञ्चालक समिति र सेवा केन्द्र संयोजकहरु सदस्य तथा प्रमुख कार्यकारी अधिकृत नवराज सापकोटा सदस्य सचिव रहने गरी रजत महोत्सव मूल समारोह समिति गठन गरेको छ । संस्थाले सदस्य स्तरका कार्यक्रम, वाल सदस्यस्तरीय कार्यक्रम, अन्तर सहकारी संस्था, सामाजिक उत्तरदायित्व एवं मानविय कृयाकलाप, संचालक एवं कर्मचारी स्तरीय, विद्यालय स्तरीय, एकिकरण संस्था सम्मान, र स्थापनाकाल सदस्य सम्मान, किसान सहकारी राष्ट्रिय पुरस्कार, स्तम्भ अनावरण, रजत स्मारिका प्रकाशन, ज्येष्ठ, नागरिक, एकल महिला स्तरीय कार्यक्रम, खेलकुद तथा साहित्यीक कार्यक्रम, सहकारी प्रबर्द्धनका अन्य कार्यक्रमहरुसमेत समेटी आगामी दिनमा कार्यक्रम तालिका प्रकाशन गर्ने र अन्य आवश्यक उपसमितिहरु गठन गरिने संस्थाका अध्यक्ष श्रीहरि चालिसेले बताउनुभयो । सामाजिक दुरी कायम गर्दै सम्पन्न गरिएको कार्यक्रम संस्थाका सचिव अनिल सापकोटाले सञ्चालन गर्नुभएको थियो ।
– १५ असार २०७७
किसान साकोसद्वारा नवलपुरका पालिकाहरुको बिपत कोषमा रु ६लाख पैतालिस हजार सहयोग
गैंडाकोट, १८ जेष्ठ ।
किसान बचत तथा ऋण सहकारी संस्था लिमिटेडले आज एकै दिन नवलपुरका ५ वटा पालिकाहरुलाई लाखौं रकम राहत प्रदान गरेको छ । संस्थाको सामाजिक उत्तरदायित्व अन्तर्गत आइतबार नवलपुरको गैंडाकोट नगरपालिकादेखि पश्चिमतर्फका विनयी त्रिवेणी गाउँपालिकालाई राहत रकम प्रदान गरीएको हो।
विश्वभर माहामारीका रुपमा फैलिइरहेको कोरोना भाइरस (कोभिड १९)को सन्र्दभमा आफ्ना १३५ जना कर्मचारी र सञ्चालकहरुको पहलमा सङ्कलित ८ लाख रुपैयाँभन्दा बढि रकम स्थानीय निकायमार्फत आफ्नो कार्यक्षेत्रमा प्रदान गर्न लागेको हो ।
अभियान अन्तर्गत गैंडाकोट नगरपालिकालाई १ लाख ४१ हजार रुपैयाँ प्रदान गरिएको छ। गैंडाकोट नगरपालिकाका नगर–प्रमुख छत्रराज पौडेललाई सो रकम हस्तान्तरण गर्दै सहकारीले राहत वितरण अभियानको शुभारम्भ गरेको हो।
गैंडाकोट नगरपालिकाका नगर–प्रमुख छत्रराज पौडेलले विश्वभरी स्वास्थ्य माहामारी फैलिरहेको विसम परिष्थितिमा सहकारीले आर्थिक सहयोग प्रदान गरेकोमा आभार प्रकट गर्दै सहकारीले विगतदेखि क्वारेन्टाइन निर्माणार्थ भवन उपलब्ध, एम्बुलेन्स सेवा लगायतका सहयोग गर्दै सामाजिक उत्तरदायित्व वहन गरेकोमा नगरपालिकाको तर्फबाट आभार प्रकट गर्दै प्रशंसनीय कार्य रहेको धारणा राख्नुभएको थियो ।
यस्तैगरी नवलपुरको देवचुली नगरपालिकालाई १ लाख २६ हजार रुपैयाँ राहत प्रदान गरिएको छ । देवचुली नगरपालिकाका नगर–प्रमुख पूर्णकुमार श्रेष्ठलाई सो रकमको चेक हस्तान्तरण गरिएको थियो ।
यस्तैगरी एक कार्यक्रमका विच नवलपुरको मध्यविन्दु नगरपालिकाकालाई १ लाख २६ हजार रुपैयाँ राहत प्रदान गरिएको छ । मध्यविन्दु नगरपालिकाका नगर–प्रमुख चन्द्रबहादुर रानालेलाई सो रकमको चेक हस्तान्तरण गरिएको थियो ।
नगरपालिकाको सहयोग कार्यक्रममा बोल्दै कार्यक्रमका प्रमुख अतिथी रहनुभएका नगरप्रमुख चन्द्र बहादुर रानाले बर्तमान समयमा मानबको सभ्यता, सद्भाव, कल्याणको भावना झल्किने भन्दै सहकारीको पुण्य कार्य सबैका लागि सिकाईको कार्य रहेको धारणा राख्नुभएको थियो। मुलुक गंभिर परिष्थितिबाट अघि बढ्दा यहाँको कार्यक्षेत्र भित्रै पर्ने किसान साकोस्ले मध्यविन्दु नगरपालिकामाम समेत राहत वितरण गरेकोमा प्रशंसा गर्दै सहकारीसँग सधै हातेमालो गर्ने प्रतिबद्धता जनाउँदै जारी लकडाउनको पालना गर्नका लागि जोड दिदै आफ्नो लागि आफै सतर्क हुनुपर्ने कुरामा जोड दिनुभएको थियो । साथै उहाले सहयोगी सस्थाप्रति हादिर्क आभार प्रकट गर्दै धन्यवाद समेत दिनुभएको छ । उक्त कार्यक्रममा नगरउपप्रमुख ओमकुमारी महत्तो, योजना शाखा प्रमुख बिकास नरसिंह राणा, होटल व्यबसायी संघका अध्यक्ष बिशाल जङ्ग थापाको उपस्थिति रहेको थियो।
यस्तैगरी अर्को एक कार्यक्रमका विच जिल्लाको कावासोती नगरपालिकालाई बराबर १ लाख २६ हजार रुपैयाँका दरले राहत रकम प्रदान गरिएको छ ।
सहयोग रकम हस्तान्तरण कार्यक्रमका बोल्दै कावासोती नगरपालिकाका नगर–प्रमुख चन्द्रकुमारी पुनले सहकारीले आफ्नो दायित्व बोध गर्दै नगरपालिकामै पुगेर आर्थिक सहयोग गरेकोमा नगरबासीको तर्फदेखि आभार प्रकट गर्नुभएको थियो । प्रमुख पुनले यहाँका नगरबासीलाई समेत व्याजमा सहुलियत र बिलम्ब शुल्क मिनाहा जस्ता कार्यहरु गरेकोमा सहकारीको प्रंशसा गर्नभयो ।
जिल्लाको पश्चिमतर्फको पालिका विनयी त्रिवेणी गाउँपालिकाका अध्यक्ष डम्बरबहादुर जिसीले सहकारीले पवित्र कार्यले सबैलाई चकित पारेको प्रतिकृया दिनुभएको छ । उहाँले विश्व नै स्वास्थ्य माहामारीले थलिदै गर्दा नवलपुरबाट राष्ट्रिय स्तरमा चर्चित सहकारी आफ्नो ठाउँसम्म पुगेर जनसमुदायको सुख, दुःखमा हातेमालो गरेकोमा हृद्धयदेखि आभारी प्रकट गर्नुहुँदै सबैमाझँ नेतृत्वदायी भूमिका खेलेको चर्चा गर्नुभएको थियो ।
सबै पालिकामा सहकारीका अध्यक्ष सहित प्रतिनिधि पुगेर पालिकाका प्रमुख वा अध्यक्ष समक्ष रकम प्रदान गरीएको थियो ।
हस्तान्तरण कार्यक्रममा संस्थाका सचिव अनिल सापकोटाले सहजीकरण गर्नुभएको थियो भने कोषाध्यक्ष प्रेम सापकोटा, हिमचुली सेवाकेन्द्र संयोजक जयलाल पराजुली, अरुणखोला सेवाकेन्द्रका संयोजक अर्जुन खनाल, भविष्य निर्माण सेवा केन्द्रका संयोजक धनञ्जय शर्मा, पञ्चवटी सेवा केन्द्रका संयोजक कला भुषाल, प्रमुख कार्यकारी अधिकृत नवराज सापकोटा, वरिष्ठ अधिकृत गणेश शर्मा पौडेल, सेवा केन्द्र प्रमुखहरु यानिसरा गाहा, योगेन्द्र न्यौपाने, प्रमुख शर्मिला भण्डारीको उपस्थिति रहेको थियो।
सहकारीले आइतबार र सोमबार गरी सहकारीको कार्यक्षेत्र भित्र पर्ने नवलपुर, चितवन र तनहुँ जिल्लाका ८ वटा स्थानीय निकाय (पालिका) मा गरी ८ लाख भन्दा बढि रकम पालिकाको राहत कोषमा हस्तान्तरण गर्न लागेको छ ।
किसान साकोसको २१औं सेवाकेन्द्र – सहज सेवाकेन्द्र गैंडाकोट-४मा शुभारम्भ
गैंडाकोट, १ जेठ । किसान बचत तथा ऋण सहकारी संस्था लिमिटेडको २१औं सेवाकेन्द्र गैंडाकोट-४, सहजचोकमा शुभाम्भ गरिएको छ । सहज सेवाकेन्द्रका संयोजक तिर्थराज रिमालज्यूको अध्यक्षतामा सम्पन्न उक्त कार्यक्रममा संस्थाको २१औं सेवाकेन्द्रकारुपमा सहज सेवाकेन्द्रको गैंडाकोट नगरपालिका वडा नं. ४ का वडा अध्यक्ष कृष्ण प्रसाद न्यौपाने ज्यूद्वारा सेवाकेन्द्रको दिप प्रज्जवलन गरि शुभारम्भ गर्नुभएको छ।
“किसान को सान: एकीकृत सेवा को अभियान” अन्तर्गत साविक सहज स्वास्थ्य सहकारी र किसान साकोस बिच एकिकरण पश्चात सहज सेवाकेन्द्र सञ्चालनमा आएको हो। सामाजिक दुरी कायम राख्दै सञ्चालन गरिएको कार्यक्रममा विषेश अतिथी गैंडाकोट नगरपालिकाका प्रशासकिय अधिकृत लिलाधर शर्माज्यू र विषेश उपस्थितीमा संस्थाका अध्यक्ष श्रीहरि चालिसेज्यू, लेखा तथा सुपरिवेक्षण समिति संयोजक चिन्ता मणी कडेलज्यू, कोषाध्यक्ष प्रेम सापकोटाज्यू, साविक सहज स्वास्थ्य सहकारीका संस्थापक अध्यक्ष भिम प्रसाद शर्माज्यू, पूर्व अध्यक्ष करुणा सागर सुबेदीज्यू, संस्थाका निवर्तमान अध्यक्ष तथा ऋण संयोजक गोपाल प्रसाद गौतमज्यू, पूर्व अध्यक्ष तथा शिक्षा उपसमिति संयोजक तिलक प्रसाद पराजुलीज्यू, सञ्चालक सदस्य राजेन्द्र गौतमज्यू, पार्वती ज्ञवालीज्यू, संस्थाका प्रमुख कार्यकारी अधिकृत नवराज सापकोटाज्यू, विजयनगर सेवाकेन्द्र संयोजक नर बहादुर थापाज्यू, हिमचुली सेवाकेन्द्र संयोजक जयलाल पराजुलीज्यू, संस्थाका सल्लाहकार समितिका सदस्य दयाराम पौडेलज्यू, सहज सेवाकेन्द्रका सल्लाहकार टोलनाथ घिमिरेज्यू र तेज प्रसाद घिमिरेज्यू लगाएत सेवाकेन्द्र व्यवस्थापन समितिका पदाधिकारीहरु एवं कर्मचारीहरु रहनु भएको थियो।
कार्यक्रम संस्थाका सचिव अनिल सापकोटाज्यूले सहजिकरण एवं सञ्चालन गर्नु भएको थियो।
