आज मिति २०७६ आश्विन १६ गतेका दिन विजयादशमी, शुभदिपावली, छठपर्व २०७६ तथा नेपाल सम्वत् ११४० को अवसरमा संस्थाको सभाहलमा शुभकामना आदान प्रदान कार्यक्रम सम्पन्न भएको छ । संस्थाको सभा हलमा भएको कार्यक्रम अध्यक्ष श्रीहरि चालिसेको अध्यक्षता र संस्थापक अध्यक्ष श्री कृष्ण प्रसाद शर्माको विशेष आतिथ्यतामा संचालन भएको थियो । संस्थाका पूर्व अध्यक्ष माधव प्रसाद गौतम, संस्थाका पूर्व अध्यक्ष तथा संचालक सदस्य तिलक प्रसाद पराजुली लगायत, पदाधिकारीहरु, संचालक सदस्यज्यूहरु, सल्लाहकारज्यूहरु, विभिन्न उपसमितिका संयोजक एवं सदस्यज्यूहरु, प्रमुख कार्यकारी अधिकृत तथा कर्मचारीहरुको उपस्थिति रहेको थियो । कार्यक्रममा सम्पूर्ण उपस्थित महानुभावहरुवीच शुभकामना आदानप्रदान गर्दै सहभागीहरुले संस्थागत विकासमा जोड दिने प्रतिवद्धतासमेत व्यक्त गर्नुभएको थियो ।