नवलपुर । किसान बचत तथा ऋण सहकारी संस्थाले गैँडाकोट नगरपालिका वडा नं. ११ हर्कपुरमा “समृद्ध सदस्य दिगो साकोस” परिकल्पनाका साथ २४औं सेवाकेन्द्रको आज सेवाकेन्द्र परिसरमा आयोजित उद्घाटन समारोहमा कार्यक्रमका प्रमुख अतिथि गैँडाकाेट नगरपालिका वडा नं ११का अध्यक्ष गोविन्द सुवेदीले रिवन काट्दै खुत्रुकेमा पैसा राखेर सेवाकेन्द्रकाे उद्घाटन गर्नुभयाे ।
सेवाकेन्द्र व्यवस्थापन उपसमितिका संयोजक माधव कोइरालाको अध्यक्षतमा भएको कार्यक्रममा संस्थाका अध्यक्ष श्रीहरि चालिसेले स्वागत मन्तव्य राख्दै सेवाकेन्द्र स्थापनाको उदेश्य माथी प्रकाश पार्नुभएको थियो । सेवाकेन्द्र उद्घाटन समारोहमा गैँडाकोट नगरपालिका वडा नं. १० का अध्यक्ष देवीदत्त कंडेल, वडा १३ का अध्यक्ष पदमलाल पौडेल सहित ५० भन्दा बढि संघसंस्थाका प्रमुख तथा प्रतिनिधिहरुको उपस्थिति रहेको थियो ।
सेवाकेन्द्र स्थापनाको अवसरमा मन्तव्य राख्दै संस्थाका अध्यक्ष श्रीहरी चालिसेले यहि वर्ष नै ३० वटा सेवाकेन्द्र पुर्याउने लक्ष्य रहेको बताउनु भयो ।
एशीयाली ऋण महासंघबाट गुणस्तरीय चिन्ह प्राप्त गर्न सफल किसान साकोसले विगत २५ वर्षदेखि निरन्तर सेवा प्रदान गर्दै आएको छ ।
नवलपुर । नवपरासी पूर्वको गैँडाकोट नगरपालिका वडा नं. ८ मा केन्द्रीय कार्यालय रहेको किसान बचत तथा ऋण सहकारी संस्था लिमिटेड कला र साहित्यको संरक्षण तथा संम्वर्धन गर्न लागि परेको छ । वि.स. २०५२ सालमा स्थापना भएको किसान बचतले सामाजिक उत्तरदायित्व अन्तर्गत कला साहित्य तथा स्थानीय प्रतिभाहरुको प्रर्वधन गर्नका लागि किसान ग्यालरी नाम दिएर आफ्नै प्रर्दशनी हलको समेत व्यवस्था गरेको छ ।
फागुन ४ गते नेपाल ललितकला प्रज्ञा प्रतिष्ठानका कुलपति केके कर्माचार्यले उद्घाटन गरेको किसान ग्यालरीमा साहित्य र सृजनासँग सम्वन्धीत विभिन्न कार्यक्रमहरु भैरहेका छन् । किसान बचत तथा ऋण सहकारी संस्थाका अध्यक्ष श्रीहरी चालिसेले किसान ग्यालरीमा स्थानीय तथा राष्टिय स्तरका १७ जना चित्रकारका सामुहिक चित्रकाला प्रर्दशनी अहिलेपनि भैरहेको बताउनु भयो ।
त्रिवेणी साहित्य प्रतिष्ठान, कलावती आर्ट काउन्सील र WE द आर्टिस्ट संयुक्त आयोजनामा भैरहेको ‘आत्मदीपन’ नामक सामुहिक चित्रकला प्रर्दशनी आउदो २२ गतेसम्म जारी रहने छ ।१७ चित्रकारका ५० चित्र प्रदर्शनीमा छन । प्रदर्शनीमा राखिएका चित्र न्यूनतम १० हजारदेखि ६० हजार रुपैयाँसम्मका रहेको आयोजकले जनाएको छ । प्रद्रशनीमा वरिष्ठ साहित्यकार एवंम् चित्रकार गोविन्दराज विनोदी, चित्रकार भिम प्रसाद शर्मा, डि बराल लगायतका चित्रकारहरुका प्रतिभा राखिएकाे छ ।
कलाकार, साहित्यकार, रचनाकार सबैलाई किसानले अभिभावकीय रुपमा स्थान दिने भन्दै किसान ग्यालरीमा आगामी दिनमा समेत विभिन्न खालका कार्यक्रमहरु निरन्तर रुपमा गरिने किसान बचत तथा ऋण सहकारी संस्था लिमिटेडका प्रमुख कार्यकारी अधिकृत नविन सापकोटाले बताउनुभयो । किसान ग्यालरीको हल प्रयोग गरे वापत आयोजकले किसानलाई कुनैपनि शुल्क तिर्न नपर्ने उहाँले बताउनु भयो । सेवा भावले हामिले यहाँ हुने विभिन्न प्रर्दशनीका कार्यक्रमहरु निशुल्क हुने व्यवस्था मिलाएका छौ प्रमुख कार्यकारी अधिकृत सापकोटाले भन्नुभयो ।
किसान ग्यालरीमा साहित्य र श्रृजनाका अतिरिक्त किसानहरुले उत्पादन गरेका वस्तु तथा सेवाहरुको समेत प्रर्दशनीको तयारी भैरहेको छ । किसान साकोसका कोषाध्यक्ष एवंम लघुवित्त कार्यक्रमका संयाेजक प्रेम सापकोटाले केहिदिन पछिनै किसानले उत्दापन गरेका वस्तु तथा सेवाहरुको प्रर्दशनी गरिने योजना रहेको उज्यालोलाई सुनाउनु भयो । विभिन्न प्रकारका खाद्य सामाग्रीहरुको प्रर्दशनी गरि किसानको उत्पादनलाई उपभोक्ताको हातसम्म पुर्याउने उदेश्यले कार्यक्रमको तयारी भैरहेको उहाँले बताउनुभयो ।
सहकारीका सातवटा सिद्धान्तहरु मध्ये समुदाय प्रति चासाे भन्ने सिद्धान्तबाट अभिप्रेरित भै किसान बचत तथा ऋण सहकारी संस्थाले लामाे समयदेखि विभिन्न सामाजिक गतिविधिहरुलाई अगाडी बढाउदै आईरहेकाे छ ।
गैँडाकोट । कला भावना, संस्कृति अनि मनसँग नजिक हुन्छ । पछिल्लो समय चित्रकला प्रति आकर्षण बढ्दै गएको छ । घर तथा कार्यालयहरुमा चित्रकारद्वारा सिर्जित चित्रकला खरिद गरि राख्ने गरिएको छ । उपहारका रुपमा के दिउँ त भन्दा चित्रकला र चित्रहरु आउने गरेका छन् । यसले चित्रकलालाई व्यवस्थित र व्यावसायिक बनाउन पनि सघाएको छ । नारायणगढका अभिषेक तिमिल्सिना, किसान बचत तथा ऋण सहकारी संस्थाको गैंडाकोट ४मा स्थित सहज सेवाकेन्द्रमा रहेको “किसान आर्ट ग्यालरी”मा राखिएका चित्रहरु मन्त्रमुग्ध भएर हेर्दै थिए । कोरोनाका कारण धेरै व्यक्ति लामो समय बन्द कोठामा रहनुपर्ने बाध्यता आयो । यस्ता कठिनाईमा पनि प्रकृति झल्कने चित्र कोठामा सजाउन रुचि राख्ने गरेको तिमिल्सिना बताउँछन् । उनी भन्छन् “अहिले कोभिडका कारणले कोठाबाट मान्छे बाहिर निस्कन पाएनन अत्यासमा यि चित्रहरु हेरेर बुझेर केहि सिक्न पाउने हुँदा पनि यसले सहज बनायो ।” उनले थपे “म त चित्रहरु हेरेर मन शान्त बनाउँछु, रमाइलो लाग्छ र किन्छु ।” चित्रकलाप्रतिको मोह बढ्नुका साथै पछिल्लो समय चित्रकलालाई माया गर्नेहरुको जमात पनि बढेको छ । यसले चित्रकलालाई व्यावसायिक बनाउन मद्दत मिलेको छ । गैंडाकोट ८ का करुणासागर सुबेदीले थकान मेटाउन र उर्जावान महसुस गर्न चित्रहरु किनेर घर लैजाने गरेको उनले बताए । १० भन्दा बढि चित्र खरिद गरेका उनि भन्छन “चित्रप्रति मेरो छुट्टै आकर्षण छ । गौतम बुद्ध, हरियालीमा चित्रहरु हेरेर थकान मेटाउँछु र शान्ति महसुस गर्छु अनि उर्जावान महसुस गर्न बाघको चित्र हेर्छु ।” चित्रकलाले समाज, धर्म, संस्कृतिलाई संरक्षण गर्न सघाउ पु¥याउँछ । चित्रकलाका पारखी रामप्रसाद सुबेदीले पनि चित्रहरु किनेर घरमा सजाउने गरेको बताउँछन् । उनी भन्छन “घर सजावटका लागि मेरो आर्थिक अवस्थाले पुगेसम्मका चित्रहरु लगेर घरमा राख्ने गर्छु ।” कलाकारले मेहनेत गरेर बनाएका चित्रले समाजको यर्थाथतासँगै सन्देश दिने मौलाकालिका मन्दिरका अध्यक्ष शालिकराम सापकोटाको भनाई छ । उनी भन्छन् “कलाको सम्मान गर्नुपर्छ । त्यसैले हामीले मौलाकालिका मन्दिरको फेदिमा मूर्तिकला बनायौ, मेरो घरमा पनि भगवान र प्रकृतिका चित्रकला छन् ।” कलाले सकारात्मक मनोभावना बृद्धि गर्ने गैँडाकोट ५ की शान्ति न्यौपानेको बुझाई छ । मनमा शान्ति छाउने हुनाले पनि उनले चित्रकारले बनाएका चित्र र मूर्तिहरु किन्ने गरेको बताईन् । उनी भन्छिन् “कलाले मनलाई सकारात्मक बनाउँछ, यहि ठुलो कुरा हो ।”
चितवन — दामोदर उर्फ डी बराल बुधबार मध्याह्न किसान बचत तथा ऋण सहकारी संस्थाको नवलपुर गैंडाकोट-४मा रहेको सहज सेवाकेन्द्र परिसरमा भेटिए । यहाँको किसान आर्ट ग्यालरीमा सामूहिक चित्रकला प्रदर्शनी चलिरहेको छ । ‘आत्मदीपन’ शीर्षकको प्रदर्शनीमा बुद्ध र बुद्ध दर्शनसम्बन्धी चित्र राखिएका छन् । कलाकार बरालका बुद्धका चित्र पनि प्रदर्शनीमा छन् । उनको एउटै चित्रको मूल्य ६० हजार रुपैयाँसम्म छ । बराल चितवनका चित्रकार हुन् ।
‘आत्मदीपन’ मा राखिएको आफ्नो चित्रबारे बताउँदै कलाकार डी बराल । तस्बिर : रमेशकुमार पौडेल/कान्तिपुर
गत शुक्रबार गण्डकी प्रदेशका मुख्यमन्त्री कृष्णचन्द्र नेपालीले प्रदर्शनीको उद्घाटन गरेका हुन् । चितवनका अर्का पुराना र स्थापित चित्रकार प्रथा अर्थात् प्रकाश थापाले पनि बुद्धदर्शनलाई चित्रमा उतारेर प्रदर्शनमा राखेका छन् । १७ जना कलाकारका चित्र प्रदर्शनीमा राखिएको छ । जसमध्ये १२ जना चितवनकै हुन् । राजनीतिक सिमानाले चितवनको भरतपुर र नवलपुरको गैंडाकोटलाई अलग बनाएको छ । तर यो भेगका कलाकार/साहित्यकार एकै गोलोमा छन् ।
गोविन्दराज विनोदी पाका साहित्यकार मात्रै नभएर उम्दा चित्रकार पनि हुन् । उनको घर गैंडाकोट हो । तर नवलपुर र चितवनका हरेकजसो साहित्य र सिर्जनात्मक गतिविधिमा विनोदी सहभागी हुन्छन्, अतिथि पनि बन्छन् । ‘आत्मदीपन’ विनोदीले नै जुराएको शीर्षक हो । प्रदर्शनीमा दर्शनको उचाइलाई बुझाउने विनोदीको चित्र पनि समावेश छ ।
गैंडाकोटमा किसान बचत तथा ऋण सहकारी संस्था लिमिटेड छ । २०५२ सालमा स्थापना भएको यो सहकारीको नवलपुरमात्रै नभएर चितवनसहित तीन जिल्ला कार्य क्षेत्र हो । वर्षमा साढे तीन अर्ब रुपैयाँको कारोबार गर्ने किसान सहकारीको ७५ हजार सेयर सदस्य छन् । सहज परिसरको ग्यालरी किसान सहकारीले नै स्थापना गरेको हो ।
भीम शर्मा गैंडाकोटका स्थापित चित्रकार हुन् । राष्ट्रिय, अन्तर्राष्ट्रियस्तरमा उनका थुप्रै एकल र सामूहिक कला प्रदर्शनी भएका छन् । शर्मा किसान सहकारीका सेयर सदस्य र सल्लाहकार पनि हुन् । ‘सहकारीका सेयर सदस्यको सिर्जनशील क्षमतालाई प्रोत्साहित गर्ने नीतिअनुरूप गत वर्ष फागुन ४ मा हामीले यो ग्यालरी सञ्चालनमा ल्याएका हौं,’ शर्माले भने । गत वर्ष ‘संयोजन’ शीर्षकमा सामूहिक चित्रकला प्रदर्शनी भयो । ‘चितवन, नवलपुर र तनहुँ तथा हेटौंडासम्मका सर्जकको साझा प्लेटफर्म यो ग्यालरीलाई बनाउने उद्देश्य हो । चित्रकला मात्रै नभएर साहित्य सिर्जना र संगीतका कार्यक्रम पनि यहाँ आयोजना गरिनेछन् । कृषि तथा अन्य व्यावसायिक उत्पादनको प्रदर्शनी पनि गर्दै जाने योजना हाम्रो छ,’ शर्माले भने ।
‘आत्मदीपन’ सामूहिक चित्रकला प्रदर्शनी दसैंसम्म चल्नेछ । १७ चित्रकारका ५० चित्र प्रदर्शनीमा छन् । प्रदर्शनीमा राखिएका चित्र न्यूनतम १० हजारदेखि ६० हजार रुपैयाँसम्मका छन् । गैंडाकोट, भरतपुर र आसपासका क्षेत्रमा चित्रकारितामा सक्रिय कलाकार लगभग २५ जना छन् । ‘हामीले दुई महिनाको अन्तरालमा फरक विषयमा कला प्रदर्शनी राख्ने सोच बनाएका छौं । कोभिडले समस्या ल्याएर यो पटक ६ महिनाको अन्तरालमा भयो ।
प्रदर्शनी धेरै भए कलाकारहरू सिर्जनामा व्यस्त हुन्छन्, सक्रिय हुन्छन्,’ शर्माले भने । प्रदर्शनीले सर्वसाधारणलाई कलाका बारेमा बुझ्न मद्दत गर्ने र सिर्जना बिक्री हुने उनले बताए । राम्रो मूल्य पाए कला सिर्जनामा लागेकाहरू उत्प्रेरित हुने शर्माको बुझाइ छ । उपत्यकाबाहिर ग्यालरी राख्ने र सामूहिक चित्रकला प्रदर्शनी गर्ने प्रचलन खासै छैन । ‘हामी कलाकार हौं । यता उताको भन्ने भएन । हामीमा आत्मीयता हुन्छ,’ कलाकार बरालले भने, ‘सामूहिक चित्रकला प्रदर्शनीले हामीलाई एक–अर्काबाट सिक्न मद्दत गर्छ ।’
किसान बचत तथा ऋण सहाकरी संस्था लि. गैंडाकोटले आज किसान साकोस रजत महोत्सब बर्ष २०७७ घोषणा तथा लोगो अनावरण गरेको छ । संस्थाको सभाहलमा आयोजित रजत महोत्सव वर्ष घोषणा कार्यक्रम संस्थाका अध्यक्ष श्रीहरि चालिसेको अध्यक्षता, गैंडाकोट नगरपालिका वडा नं. ८ का वडाध्यक्ष तथा संस्थाका सल्लाहकार एवं संस्थापक सदस्य डिलाराम रिजालको प्रमुख आतिथ्यता र संस्थाका उपाध्यक्ष भोजराज पौडेलले स्वागत मन्तव्यबाट शुरु भएको थियो ।
कार्यक्रममा प्रमुख अतिथिले रजत वर्षको लोगोको अनावरण गरी कार्यक्रमको समुद्घाटन गर्नुभएको थियो । कार्यक्रममा संस्थाका प्रमुख कार्यकारी अधिकृत नविन सापकोटाले संस्थाको स्थापना कालदेखिको विकास क्रमलाई सम्झँदै हालसम्मको वित्तीय अवस्था प्रस्तुत गर्नुभएको थियो । संस्थाका कुल ६० हजार सदस्य र दुई अरब भन्दा बढीको पूँजी परिचालन गर्दै सदस्यहरुलाई सेवा प्रदान गरिएको प्रमुख कार्यकारी अधिकृतले जानकारी गराउनुभयो । कार्यक्रममा संस्थाका संस्थापक अध्यक्ष कृष्ण प्रसाद शर्माले २५ जनाको समूहबाट शुरु भएको संस्था विधिवत् रुपमा दर्ता हुँदै अहिले नवलपरासी, चितवन र तनहुँको क्षेत्रमा सेवा प्रदान गरेको साथै देश विदेशमा समेत ख्याती प्राप्त गर्न सफल भएकोमा धन्यवाद दिँदै खुशी व्यक्त गर्नु भएको थियो ।
कार्यक्रममा संस्थाका सल्लाहकार एवं समाजसेवी मदनभक्त अधिकारी, संस्थाका पूर्व अध्यक्ष एवं नवलपरासी जिल्ला बचत तथा ऋण सहकारी संस्था लि.का अध्यक्ष माधव प्रसाद गौतम, निर्वतमान अध्यक्ष गोपाल प्रसाद गौतम, लेखा तथा सुपरिवेक्षण संयोजक चिन्तामणि कण्डेलले संस्थाले सदस्यहरुको लागि प्रभावकारी सेवा प्रदान गर्दै आईरहेकोमा धन्यवाद दिँदै हाल विश्वमा आईरहेको कोरोना भाईरसको असर र आगामी दिनमा आउन सक्ने महामारीमामा पनि अझ क्रमशः सेवा स्तरोन्नति गर्दै प्रविधिमा जोड दिनुपर्ने अवस्था आएको बताउनुभयो ।
संस्थाले हालसम्म २५ वटा संस्थासँग एकीकरण गरी एकिकृत सेवा प्रदान गर्दै आएकोमा यस रजत वर्षको कार्यक्रम सम्पन्न गर्नको लागि अध्यक्षको संयोजकत्वमा सञ्चालक समिति र सेवा केन्द्र संयोजकहरु सदस्य तथा प्रमुख कार्यकारी अधिकृत नवराज सापकोटा सदस्य सचिव रहने गरी रजत महोत्सव मूल समारोह समिति गठन गरेको छ । संस्थाले सदस्य स्तरका कार्यक्रम, वाल सदस्यस्तरीय कार्यक्रम, अन्तर सहकारी संस्था, सामाजिक उत्तरदायित्व एवं मानविय कृयाकलाप, संचालक एवं कर्मचारी स्तरीय, विद्यालय स्तरीय, एकिकरण संस्था सम्मान, र स्थापनाकाल सदस्य सम्मान, किसान सहकारी राष्ट्रिय पुरस्कार, स्तम्भ अनावरण, रजत स्मारिका प्रकाशन, ज्येष्ठ, नागरिक, एकल महिला स्तरीय कार्यक्रम, खेलकुद तथा साहित्यीक कार्यक्रम, सहकारी प्रबर्द्धनका अन्य कार्यक्रमहरुसमेत समेटी आगामी दिनमा कार्यक्रम तालिका प्रकाशन गर्ने र अन्य आवश्यक उपसमितिहरु गठन गरिने संस्थाका अध्यक्ष श्रीहरि चालिसेले बताउनुभयो । सामाजिक दुरी कायम गर्दै सम्पन्न गरिएको कार्यक्रम संस्थाका सचिव अनिल सापकोटाले सञ्चालन गर्नुभएको थियो ।
किसान बचत तथा ऋण सहकारी संस्थामा पुनः चालिसेको नेतृत्व
गैंडाकोट, २५ मंसिर । किसान बचत तथा ऋण सहकारी संस्था लिमिटेडको अध्यक्षमा पुनः श्रीहरि चालिसे चयन हुनुभएको छ । सहकारीको २४ औं साधारणसभा तथा ११ औं नेतृत्व चयन कार्यक्रमबाट चालिसेको अध्यक्षतामा १९ सदस्यीय नयाँ कार्यसमिति चयन भएको हो ।
४ वर्षे कार्यकालका लागि बनेको नयाँ समितिको उपाध्यक्षमा भोजराज पौडेल, सचिव अनिल सापकोटा, कोषाध्यक्ष प्रेम सापकोटा, सहसचिव सरस्वती कंडेल चयन हुनुभएको छ । यस्तै समितिको सदस्यहरुमा गोपालप्रसाद गौतम, तिलकप्रसाद पराजुली, रेशमलाल सापकोटा, राजेन्द्र गौतम, पशुपति पोख्रेल, रामकृष्ण पौडेल, पवित्रा भुषाल, धनञ्जय शर्मा, ठाकुरप्रसाद पाण्डे, दुर्गाप्रसाद चालिसे, बालु पुरी, पार्वतीकुमारी बराल, पार्वती ज्ञवाली र मिनाकुमारी रायमाझी चयन हनुभएको निर्वाचन समितिका संयोजक रमेश काफ्लेले जानकारी दिनुभएको छ । यस्तै चिन्तामणी कंडेल (सीआर)को संयोजकत्वमा ३ सदस्यीय लेखा समितिसमेत चयन भएको छ जसको सदस्यहरुमा विष्णुप्रसाद सापकोटा, बुद्धिप्रसाद पोख्रेल रहनुभएको छ । नयाँ समितिले आजै पदभार ग्रहण गनुका साथै सपथग्रहण समेत गरिएको छ ।
सहकारीले गत मंसिर १४ गते देखि १८ गतेसम्म सबै सेवाकेन्द्रमा क्षेत्रीय रुपमा साधारणसभा सञ्चालन गरेको थियो भने केन्द्रिय कार्यालयको नेतृत्व चयन कार्यक्रम यहि मंसिर २२ र २३ गते सञ्चालन गरेको थियो । सोहीक्रममा निर्वाचनको प्रक्रिया अघि बढेपनि सहकारी विभागको नीति र विधि अनुरुप आज (बुधबार) गैंडाकोटमा भब्य समारोहको आयोजना गरी नयाँ समितिको नामावली सार्वजनिकसँगै सपथग्रहण तथा पदभार ग्रहण गरिएको हो ।
५० हजार बढि सेयर सदस्य रहेको सहकारीले मंसिर १८ भित्रै १५ वटा सेवाकेन्द्रका छुट्टाछुुट्टै साधारणसभा सञ्चालन गरेको सहकारीका प्रमुख कार्यकारी अधिकृत नवराज सापकोटा (नविन)ले जानकारी दिनुभएको छ ।
सहकारीका अध्यक्ष श्रीहरि चालिसेको अध्यक्षतामा भएको कार्यक्रममा नेफ्स्कुनका सञ्चालक एवं नेफ्स्कुन गण्डकी प्रदेशका संयोजक भिम गुरुङको प्रमुख आतिथ्यता रहेको थियो । कार्यक्रममा बोल्दै प्रमुख अतिथि गुरुङले किसान सहकारी एउटा विश्वविद्यालय भएको भन्दै देशैभरका सहकारीकर्मीहरुले यसबाट सिक्नुपर्ने बताउनुभयो । गण्डकी प्रदेश भित्रका सहकारीलाई किसानले सिकाउने गहन कार्य गर्नसमेत संयोजक गुङको आग्रह थियो ।
फरक प्रसंगमा उहाँले नेफ्स्कुनमा किसान जस्तो सहकारीको विश्वविद्यालयले नेतृत्व लिनुपर्ने आवश्कता औंल्याउनुभयो । सानोरुपबाट स्थापित किसान सहकारी आज देशकै सहकारी एकिकरण र सहकारीताका सबालमा नेतृत्व गरिरहेको भन्दै संस्थालाई आभार प्रकटसमेत गर्नुभयो ।
कार्यक्रममा जिल्ला बचत तथा ऋण सहकारी संघ लिमिटेडका अध्यक्ष माधवप्रसाद गौतमले एउटा गाउँको गर्जो टार्न स्थापीत गरेको सहकारीले आज देशकै नेतृत्व गनृ सकिरहेको भन्दै सबै सहकारीकर्मीलाई आभार दिनुभयो । कार्यक्रममा शुभकामना मन्तब्य राख्दैं गैंडाकोट स्वाभिमान बचत तथा ऋण सहकारीका अध्यक्ष देवराज पौडेलले सहकारीहरु एकजुट भइ सहकारिताको माध्यमबाट समाज रुपान्तरणमा लाग्न आवश्यकता औंल्याउनुभयो ।
कार्यक्रममा स्थानीय क्षेत्रका जनप्रतिनिधि, विभिन्न संघसंस्थाका प्रमुख एवं प्रतिनिधि, सहकारीका विभिन्न उपसमिति सदस्य , सहकारीका सेयर सदस्य एवं सरोकारवालाको उपस्थिति रहेको थियो ।
गैंडाकोट नगरपालिकामा रहेको किसान बचत तथा ऋण सहकारी संस्थाले सञ्चालन गरेको किसान लघुवित्तकार्यक्रमबाट नवलपुरका करिब एक हजार महिलाहरु उद्यमी बन्न सफल भएका छन् । स्थपानाकालदेखि नैसहकारीले आफ्ना महिला सेयर सदस्यहरुलाई सहज र शुलभ ढङगबाट वित्तीय पहुँच पु¥याई महिलासशक्तीकरण, नेतृत्व विकास र स्वरोजगार बनाउने उदेश्यले सञ्चालन गरेको किसान लघुवित्त कार्यक्रमबाटमहिलाहरुलाई समूह बचत, लघुकर्जा र विभिन्न सीपमूलक तालिम प्रदान गरेर महिलाहरुलाई सानाउद्यमतर्फ आकर्षित गर्न सफल भएको छ ।
गैंडाकोटमा मुख्य कार्यालय रहेको साकोसले गैंडाकोट, देवचुली, कावासोती, मध्यविन्दु नगरपालिका रविनयीत्रिवेणी गाउँपालिकामा सेवा प्रदान गर्दै आइरहेको किसान बचत तथा ऋण सहकारी संस्थाललेमहिलाहरुलाई उद्यमी बनाउने उद्देश्यले नै गत वर्षबाट यो कार्यक्रम सञ्चालन गरेको संस्थाका अध्यक्ष श्रीहरिचालिसेले बताउनुभयो । लघुवित्त कार्यक्रममा अहिलेसम्म नवलपुरका करिब १६ हजार महिलाहरु सहभागीभएका छन् भने उनीहरु कुनै न कुनै लघु उद्यममासमेत लागेको अध्यक्ष चालिसेले बताउनुभयो । उनीहरुमध्यबाट १ हजार बढि महिलाहरु शनिबार भएको लघुवित्त सम्मेलनमा उपस्थित भएको संस्थाको दाबी छ ।अध्यक्ष चालिसेका अनुसार जिल्लाको मुख्य कार्यालय गैंडाकोट र विभिन्न स्थानीय तहका १४ वटासेवाकेन्द्रका महिला सेयर सदस्यहरुलाई समूह बनाई न्यूनतम् ब्याजदरमा लघुवित्त कर्जा प्रवाह गरेको छ । यस्तै विभिन्न सीपमूलक तालिम प्रदान गरेको छ ।
अहिले महिलाहरुको ६ सय ७८ वटा समूह छन् । जसमा न्यूनतम् २० देखि बढीमा ५० जना गरी करिब एकहजार महिला समूहमा बसेका छन् । उनीहरु सबैले घरमै उत्पादन गर्न सकिने खालका साना उद्यमहरुसञ्चालन गरी आफूहरु आत्मनिर्भर बन्न सफल भएको पनि अध्यक्ष चालिसेले दाबी गर्नुभयो । महिलाहरुलेउत्पादन गरेका लघु उद्यमका सामग्रीको बजारीकरण गर्ने उद्देश्यले सहकारीले शनिबार गंैडाकोटमाकिसान लघुवित्त महिला सम्मेलनको आयोजना गरेको थियो ।
सो सम्मेलनको राष्ट्रियसभाका सदस्य एवं सार्वजनिक सरोकार समितिका संयोजक दीलकुमारी रावललेउद्घाटन गर्र्दै मुलुकमा राजनैतिक परिवर्तन पछि नयाँ संविधान बनेसँंगै महिलाहरुका लागि धेरै अवसरकाढोका खुलेको बताउनुभयो । आगामी दिनमा महिलाहरु सशक्त भई अघि बढ्नुपर्ने धारणा राख्दै मुलुकमाठूला–ठूला राजनैतिक परिवर्तनले महिलाहरुका लागि महत्वपूर्ण अवसर आइरहेको भन्दै उहाँले मुलुककोविकासका निम्ति सहकारीको महत्वपूर्ण भूमिका रहेजस्तै महिलाहरुको भूमिकासमेत उत्तिकै महत्वपूर्णरहेको दाबी गर्नुभयो । राष्ट्रियसभाका सदस्य रावलले परिवार, समाज र राष्ट्रको समृद्धिका निम्ति महिला रपुरुषको साझेदारी र समानुपातिक सहभागिता आवश्यक रहनेमा जोड दिनुभयो । सो सम्मेलनमामहिलाहरुले उत्पादन गरेका सामग्रीहरुको प्रदर्शन गरिएको थियो ।
महिलाहरुले उत्पादन गरेका झोल साबुन, कातेको बात्ती, क्रिस्टलका चुरा,पोते, कानको बाली , कुशन , ढाकाको ब्याग, चप्पल, सिलाइ – कटाइ , ग्यास्ट्रिकचूर्ण, घरमा सजाउने ऐना, ढकिया जस्ता हस्तकलाकासामग्रीका १५ वटा स्टल राखिएको थियो । स्टलहरुमा सामग्री किन्नेहरुको घुँईचो नै लागेको थियो । स्टलमाझोल साबुन बेच्न बसेकी मध्यविन्दु नगरपालिका ८ चोरमारा निवासी भविष्य निर्माण समूहकी मथुरादेवकोटाले समूहमा आबद्ध भएर सीपमूलक तालिक लिएपछि विगत पाँच महिनाबाट आफूले घरमै झोलसाबुन बनाउन सुरु गरेको बताउनुभयो ।
बजारबाट आवश्यक कच्चा पदार्थ ( केमिकल) ल्याएर घरमा फुर्सदको समयलाई सदुपयोग गर्दै झोल साबुनबनाउने गरेको बताउनुभयो उहाँले भन्नुभयो, ‘ पहिले घरधन्दा गरेर फुर्सदको समय कि टिभी हेरेर कि गफैगरेर बिताइन्थ्यो अहिले फुर्सदको समयमा गरेको सानो उद्यमले आम्दानी लिन थालेको छु ।’ उहाँले थप्नुभयो , ‘ म मात्रै नभई समूहका २० जना दिदीबहिनीहरुले पनि कसैले बत्ती कात्ने , कसैले चुरा पोते बनाउने गर्नुहुन्छ ।’ देवकोटाका अनुसार दैनिक पाँच लिटरसम्म उहाँले झोल साबुन उत्पादन गर्नुहुन्छ । महिनामा डेढ समयलिटर उत्पादन हुन्छ । बढीमा पाँच हजार रुपैयाँ लगानी लाग्ने र प्रतिलिटर ५० रुपैयाँमा बिक्री गर्दा पनि ७/८हजार रुपैयाँसम्म खुद नाफा हुने गरेको देवकोटाले बताउनुभयो ।
यस्तै गंैडाकोट १६ अमरापुरी निवासी विमला केसीले ग्यास्ट्रिकको चूर्ण , झोल साबुन दु्वै उत्पादन गर्दैआउनुभएको छ । सीपमूलक तालिम पनि पाइने र सहकारीबाट सहुलियत दरमा कर्जा पनि पाइने भएपछि‘शान्ति महिला समूह’ मा आबद्ध भएर काम गर्न थालेको बताउनुभयो । ‘घरधन्दा सकेपछि वल्लोघरपल्लोघर गरेर दिन जान्थ्यो , तर अहिले फुर्सद नै हुँदैन । ’ भन्दै अहिले उत्पादन सुरु गरेपछि आम्दानी पनिभएको छ । जसले आफूलाई निकै उत्साहित पनि बनाएको छ । हातमा पैसा परेपछि अझै बढी कमाउन पाएहुन्थ्यो भन्ने लाग्दो रहेछ भन्दै केसीले यतिबेला चूर्ण र साबुन बनाउनमै व्यस्त भएको बताउनुभयो । ४ -५हजार लगानी लगाएपछि महिनाभरिलाई उत्पादन गर्ने कच्चापदार्थ आउने भन्दै केसीले , चूर्णका लागि घरवरपरकै जडिबुटी पनि प्रयोग गरेको बताउनुभएको छ । सबै खर्च कटाएर ८-९ हजार रुपैयाँ आम्दानी हुनेपनि उहाले बताउनुभयो । यसरी किसान बचतले सुरु गरेको लघुवित्त कार्यक्रमअन्तर्गत यस्ता थुप्रै उद्यमहरुसञ्चालन भएकोमा सो सम्मेलनले थप उत्साह थपिएको सम्मेलनमा सहभागीहरुले बताएका छन् । किसानसाकोसका व्यवस्थापक नवीन सापकोटाले सहकारीमार्फत् सहुलियत दरमा महिलाहरुलाई लघुवित्तकार्यक्रम सञ्चालन गरेको देशकै पहिलो सहकारी किसान रहेको दाबी गर्नुभयो । देशमै पहिलोपटकसहकारीले यसरी लघुवित्त सम्मेलनको आयोजना गरेको समेत उहाँले बताउनुभयो ।
विशेष गरी महिलाहरुले उत्पादन गरेका सामग्रीको बजारीकरणका लागि सम्मेलनको आयोजना गरिएकोसापकोटाले बताउनुभयो । सम्मेलनमा सहभागीहरुको उपस्थितिले उद्यमीहरुको उत्पादन किन्न प्रोत्साहनगर्ने उदेश्यले सम्मेलनको आयोजना गरिएको सापकोटाको भनाइ रहेको छ । यस्तै बजारीकरणका लागि नैसंस्थाको मुख्य कार्यालय र सेवाकेन्द्रहरुमा छुट्टै्र कोठाको व्यवस्था गरी बिक्रीकेन्द्र स्थापना गर्ने योजनासंस्थाले बनाएको जानकारी दिनुभयो । संस्थामा कारोबार गर्न आउनेहरुले महिलाले उत्पादन गरेकासामग्रीहरु खरिद गर्नेछन् भन्ने विश्वास आफूहरुले लिएको उनको भनाइ रहेको छ । बिक्रीबाट आएको रकमसम्बन्धित उद्यमीको खातामा जम्मा हुने गरी व्यवस्थापन गर्न लागेको उहाँले बताउनुभयो ।
नवलपुर । नवलपुरको गैंडाकोटमा रहेको किसान बचत तथा ऋण सहकारी संस्था लिमिटेडको आयोजनामा किसान लघुवित्त महिला सम्मेलन भएको छ ।
गैंडाकोटमा आयोजित लघुवित्त महिला सम्मेलनमा महिलाहरुले उत्पादन गरेका उत्पादनहरु प्रदर्शन तथा विक्री वितरण समेत गरिएको थियो । सहकारीमा आवद्ध महिलाहरुले उत्पादन गरेको हस्तकलाका सामान, सिपीका माला, साबुन, कुचोलगायतका विभिन्न सामग्रीहरु प्रदर्शन तथा बिक्री गरिएको थियो ।
कार्यक्रमको उद्घाटन सत्रमा राष्ट्रिय सभा सदस्य पार्वती रावलले आजको युगमा महिलाहरु सवल छन् महिलाहरु सक्षम छन् भनेर सावित गर्ने दिन आएको बताइन् । महिलाहरु इमान्दार छन्, महिलाहरुले जस्तोसुकै भूमिका पनि सफलतापूर्वक सम्पन्न गर्न सक्छन् भन्नेकुरा काम गरेर देखाउनुपर्ने रावलको भनाइ थियो ।
महिलाहरुलाई योग्य र सक्षम बनाउनुपर्ने दायित्व समेत सबैको भएको रावलले बताइन् । महिलाहरुलाई अगाडि बढाउनका लागि सबै तह र तप्कामा रहेका व्यक्तिहरुले सोच्नुपर्ने बेला आएको रावलको भनाइ छ । उत्पादन क्षेत्रमा लाग्दै महिलाहरुको सशक्तिकरण गर्दै सहकारी आन्दोलनबाट महिलाहरु उद्यमी बन्नुपर्नेमा रावलले सुझाव दिइन् ।
कार्यक्रममा गैंडाकोट नगरपालिकाका प्रमुख छत्रराज पौडेलले महिलाहरु आर्थिक रुपमा सक्षम नभएसम्म महिला सशक्तिकरण नहुने बताए । महिला आर्थिक रुपमा सक्षम हुनका लागि उद्यमी बन्नुपर्ने र त्यसका लागि सहकारी संस्थाहरुले सहयोग गर्नुपर्ने पौडेलको भनाइ थियो ।
सो कार्यक्रममा गैंडाकोट नगरपालिकाकी उपप्रमुख विष्णुकुमारी कंडेलले हरेक संस्थामा नेतृत्व लिनका लागि महिलाहरु अगाडि बढ्नुपर्नेमा जोड दिइन् । कार्यक्रममा नेपाल कम्युनिष्ट पार्टी नेकपाका गैंडाकोट नगर अध्यक्ष षडानन्द लामिछाने, नेपाल कांग्रेस गैंडाकोट नगर कमिटि सभापति तारापति खरेल, नेफ्स्कुन सञ्चालक सदस्य शान्ती अधिकारीलगायतले मन्तव्य राखेका थिए ।
किसान बचत तथा ऋण सहकारी संस्था लिमिटेडका अध्यक्ष श्रीहरि चालिसेको अध्यक्षतामा भएको कार्यक्रममा उपाध्यक्ष भोजराज पौडेलले स्वागत मन्तव्य राखेका थिए ।
प्रेम क्षेत्री, गैडाकोट, ७ भाद्र । किसान बचत तथा ऋण सहकारी संस्थाले आर्थिक संवृद्धिको लागि लघुवित्त कार्यक्रममा महिला सहभागितालाई जोड दिदैं शनिबार किसान लघुवित्त महिला सम्मेलन, २०७६ सम्पन्न गरेको छ । सशक्तीकरण, समृद्धि र नेतृत्व विकासका लागि महिला सहभागिता भन्ने नाराका साथ नारायणी रिसोर्ट, गैंडाकोट २ नारायणी नदि किनारमा भएको सो कार्यक्रममा राष्ट्रिय सभा सदस्य एवम् राष्ट्रिय सरोकार समितिका सभापति दिलकुमारी रावल पार्वतीले महिला सहभागिता विस्तारै वढ्दै गएको बताउनुभयो । रावलले आजको युगमा महिलाहरु सवल छन् महिलाहरु सक्षम छन् भनेर सावित गर्ने दिन आएको बताउनुभयो ।
कार्यक्रममा गैंडाकोट नगरपालिकाका प्रमुख छत्रराज पौडेलले महिलाहरु आर्थिक रुपमा सक्षम नभएसम्म महिला सशक्तिकरण नहुने बताउनुभयो । महिला आर्थिक रुपमा सक्षम हुनका लागि उद्यमी बन्नुपर्ने र त्यसका लागि सहकारी संस्थाहरुले सहयोग गर्नुपर्ने पौडेलको भनाइ थियो । सो कार्यक्रममा गैंडाकोट नगरपालिकाकी उपप्रमुख विष्णुकुमारी कंडेलले हरेक संस्थामा नेतृत्व लिनका लागि महिलाहरु अगाडि बढ्नुपर्नेमा जोड दिनुभयो । कार्यक्रममा नेपाल कम्युनिष्ट पार्टी नेकपाका गैंडाकोट नगर अध्यक्ष षडानन्द लामिछाने, नेपाली कांग्रेस गैंडाकोट नगर सभापति तारापति खरेल, नेफ्स्कुन सञ्चालक सदस्य शान्ती अधिकारीलगायतले मन्तव्य राख्नुभएको थियो ।
पूर्व संविधान सभा सदस्य एवं महिला अधिकारकर्मी पेम्वा लामाले महिला शसक्तीकरण लैङ्गिक समानतासम्बन्धी कार्यपत्र प्रस्तुत गर्नुभएको थियो । त्यस्तै कृषि तथा वन विज्ञान विश्वविद्यालय रामपुरका प्राध्यापक डा. होमबहादुर वस्नेतले सकरात्मक सोच सम्बन्धी अवधारणाबारे सहजिकरण गर्दै कार्यपत्र प्रस्तुत गर्नुभएको थियो । राष्ट्रिय सहकारी बैंकका कर्जा विभाग प्रमुख, वित्तीय विज्ञ प्रमोदराज घिमिरेले लघुवित्त सम्बन्धी र विवेक शर्माले बीमा सम्बन्धी सचेतना कार्यक्रमको अवधारणाबारे कार्यपत्र प्रस्तुत गर्नुभएको थियो ।
कार्यक्रममा किसानका संस्थापक अध्यक्ष कृष्णप्रसाद पौडेल, नेपाल रेडक्रस सोसाईटिका जिल्ला सभापति एवम् समाजसेवी मदनभक्त अधिकारी लगायतको उपस्थिती रहेको थियो । कार्यक्रमका वक्तहरुले किसान साकोसले गरेको यस कार्यको प्रशंसा गर्दै महिला सहभागिता र शसक्तिकरणमा सवै लाग्नुपर्नेमा जोड दिएका थिए ।
लघुवित्त महिला सम्मेलनमा महिलाहरुले उत्पादन गरेका उत्पादनहरु प्रदर्शन तथा विक्री वितरण समेत गरिएको थियो । सहकारीमा आवद्ध महिलाहरुले उत्पादन गरेको हस्तकलाका सामान, सिपीका माला, साबुन, कुचोलगायतका विभिन्न सामग्रीहरु प्रदर्शन तथा बिक्री गरिएको थियो ।
कार्यक्रममा संस्थाका अध्यक्ष श्रीहरी चालिसेले संस्थाले आफ्ना महिला सदस्यहरुलाई लघुवित्त कार्यक्रम मार्फत वित्तीय साक्षरता, वित्तीय अनुशासन, समूह बचत, लघुकर्जा र विभिन्न सिपमुलक तालिम प्रदान गरिरहेको बताउनुभयो । महिला सशक्तिकरण, नेतृत्व विकास र स्वावलम्बी बनाउने उद्देश्यले सो कार्यक्रम गरिएको उहाँले जानकारी दिनुभयो ।
कार्यक्रममा संस्थाका व्यवस्थापक नविन सापकोटाले संस्थागत जानकारी गराउनुभएको थियो । उहाँले सम्मेलनमा नवलपुर जिल्लाका आफ्ना ४६ हजार भन्दा बढी सदस्यहरुको प्रतिनिधित्व गर्दै ८०० जना भन्दा बढी महिला सदस्यहरुको सहभागिता गराएको बताउनुभयो ।
संस्थाका सचिव अनिल सापकोटाले सहजिकरण गर्नुभएको सो कार्यक्रममा उपाध्यक्ष भोजराज पौडेलले स्वागत मन्तव्य राख्नुभएको थियो । किसान बचत तथा ऋण सहकारी संस्थाका अध्यक्ष श्रीहरी चालिसेको अध्यक्षतामा सम्मेलन सम्पन्न भएको हो । किसान साकोसले सदस्यहरुलाई वित्तीय तथा गैर वित्तीय सेवा प्रदान गर्दै आईरहेको छ ।
प्रेम क्षेत्री, गैडाकोट, ७ भाद्र । किसान बचत तथा ऋण सहकारी संस्थाले आर्थिक संवृद्धिको लागि लघुवित्त कार्यक्रममा महिला सहभागितालाई जोड दिदैं शनिबार किसान लघुवित्त महिला सम्मेलन, २०७६ सम्पन्न गरेको छ । सशक्तीकरण, समृद्धि र नेतृत्व विकासका लागि महिला सहभागिता भन्ने नाराका साथ नारायणी रिसोर्ट, गैंडाकोट २ नारायणी नदि किनारमा भएको सो कार्यक्रममा राष्ट्रिय सभा सदस्य एवम् राष्ट्रिय सरोकार समितिका सभापति दिलकुमारी रावल पार्वतीले महिला सहभागिता विस्तारै वढ्दै गएको बताउनुभयो । रावलले आजको युगमा महिलाहरु सवल छन् महिलाहरु सक्षम छन् भनेर सावित गर्ने दिन आएको बताउनुभयो ।