समृद्ध सदस्य, दिगो साकोसको परिकल्पनाका साथ अगाडि बढेको किसान बचत तथा ऋण सहकारी संस्था लि.को २५औँ सेवाकेन्द्र, कावासोति नगरपालिका ६ मा बिष्णृुनगर सेवाकेन्द्रको सेवा शुभारम्भ कार्यक्रम सेवाकेन्द्र संयोजक श्री तवारक अहमद मियाज्यूको सभापतित्व र संस्थाका अध्यक्ष श्रीहरि चालिसेज्यूको विषेश आतिथ्यताको साथै कावासोती नगरपालिकाका उपमेयर श्री प्रेम शंकर मर्दनीया थारुज्यूको प्रमुख आतीथ्यतामा हीजो मिति २०७८ कार्तिक १६ गते सुसम्पन्न भयो ।
View post on imgur.com
” समृद्ध सदस्य दिगो साकोस ” परिकल्पनाका साथ अगाडी बढेको किसान बचत तथा ऋण सहकारी संस्था अब नवलपुर, चितवन र तनहुँका २७वटा स्थानहरुबाट सेवा प्रदान गर्ने भएको छ।
सेवा केन्द्र विस्तार गर्ने क्रममा गैंडाकोट नगरपालिका वडा न. ११ स्थित हर्कपुरमा हर्कपुर सेवा केन्द्र श्री माधव प्रसाद कोइरालाज्यूको संयोजकत्व तथा श्री फौद बहादुर महत्तोज्यूको सह-संयोजकत्वमा ९ सदस्यीय व्यवस्थापन उपसमिति गठन भएको छ ।
सेवा केन्द्र विस्तार गर्ने क्रममा कावासोती नगरपालिका-१२ पिठौलीमा पिठौली सेवाकेन्द्र व्यवस्थापन उपसमिति श्री श्याम नारायण महतोज्यूको संयोजकत्व तथा श्री राम प्रसाद श्रेष्ठज्यूको सह-संयोजकत्वमा ९ सदस्यीय समिती गठन भएको छ।
सेवा केन्द्र विस्तार गर्ने क्रममा कावासोती न.पा., विष्णुनगर, कोइलापानी, शंखदेव क्षेत्रका सदस्य सेवा प्रारम्भको तयारी स्वरूप सदस्यता विस्तार, कार्यलय निर्माण संगै ११ सदस्यीय सेवाकेन्द्र व्यवस्थापन उपसमिति श्री तवारक अहम्मद मियाज्यूको संयोजकत्वमा गठन भएको छ।
नव गठित सम्पूर्ण सेवा केन्द्र व्यवस्थापन उपसमितिका पदाधिकारी ज्यूहरुलाई हार्दिक बधाई तथा शुभकामना व्यक्त गर्दछौ ।
भरतपुर, ११ वैशाख ।
किसान बचत तथा ऋण सहकारी संस्था लिमिटेडले २१औँ सेवाकेन्द्र नारायणगढको पुतलीबजारमा ‘नारायणगढ सेवाकेन्द्र’ सुरु गरेको छ । उद्योग वाणिज्य संघ चितवनका बरिष्ठ उपाध्यक्ष चुननारायण श्रेष्ठद्वारा सेवाकेन्द्रको उद्घाटन रिबन काटेर गर्नु भएको छ ।
उद्घाटन कार्यक्रममा बोल्दै प्रमुख अतिथि श्रेष्ठले “सहकारीले बचत र ऋण सँगसँगै उत्पादनमुलक कामलाई प्राथमिकतामा राख्नुपर्ने” बताउनुभयो । “`बैंकले व्यापार र बिनिमयलाई आफ्नो मुख्य अभियान बनाए पनि आफूले हेर्ने हरेक क्षेत्रमा उत्पादनमुखी हुनसकेमा सेवाग्राहीलाई सफलता मिल्नेछ” -श्रेष्ठले भन्नुभयो ।
किसान बचत तथा ऋण सहकारी संस्था लिमिटेडका अध्यक्ष श्रीहरि चालिसे कार्यक्रममा किसानले किसानमैत्री बित्तीय कारोबार सँगसँगै सामाजिक उत्तरदायित्व अन्तर्गतका सेवामुखी कामहरू निरन्तर गर्दै आइरहेको बताउनुभयो ।
नवलपुरको गैंडाकोटमा केन्द्रीय कार्यालय रहेको किसान बचतको यो २१ औँ शाखा हो । नवलपुरका ८ वटै स्थानीय निकायमा यसका शाखा र सेवा केन्द्र छन् । त्यसैगरी भरतपुर महानगरपालिका, रत्ननगर नगरपालिका र तनहुँको देवघाट गाउँपालिकामा पनि किसान बचतका सेवा केन्द्रहरू रहेका छन् ।
आगामी ५ वर्षभित्र कुल ४० वटा शाखा मार्फत सेवा प्रदान गर्ने लक्ष्य रहेको अध्यक्ष चालिसेले बताउनुभयो ।
नारायणगढ शाखाका संयोजक शंकर घिमिरेले किसान बचतले नारायणगढका व्यवसायी र नगरबासीको सेवा गर्न आएकोले सेवा गर्ने मौका दिन अनुरोध गर्नुभयो ।
७० हजार बढी सदस्य रहेका किसान साकोसको ३ अर्ब बराबरको पुँजी छ । किसानले कृषि, व्यापार, पेशा, साना व्यवसाय, लघुउद्यम, शिक्षा, घरजग्गा, हायरपर्चेज, अटो लगायतका क्षेत्रमा ऋण प्रदान गर्दै आइरहेको छ ।
कार्यक्रममा किसान साकोसका सञ्चालक समिति सदस्यहरु, सेवाकेन्द्र व्यवस्थापन समितिहरु, सिईयो, लगाएत कर्मचारीहरुको उपस्थिति रहेको थियो। कार्यक्रमको सहजिकरण संस्थाका सचिव अनिल सापकोटाले गर्नु भएको थियो।
किसान बचत तथा ऋण सहाकरी संस्था लि. गैंडाकोटले आज किसान साकोस रजत महोत्सब बर्ष २०७७ घोषणा तथा लोगो अनावरण गरेको छ । संस्थाको सभाहलमा आयोजित रजत महोत्सव वर्ष घोषणा कार्यक्रम संस्थाका अध्यक्ष श्रीहरि चालिसेको अध्यक्षता, गैंडाकोट नगरपालिका वडा नं. ८ का वडाध्यक्ष तथा संस्थाका सल्लाहकार एवं संस्थापक सदस्य डिलाराम रिजालको प्रमुख आतिथ्यता र संस्थाका उपाध्यक्ष भोजराज पौडेलले स्वागत मन्तव्यबाट शुरु भएको थियो ।
कार्यक्रममा प्रमुख अतिथिले रजत वर्षको लोगोको अनावरण गरी कार्यक्रमको समुद्घाटन गर्नुभएको थियो । कार्यक्रममा संस्थाका प्रमुख कार्यकारी अधिकृत नविन सापकोटाले संस्थाको स्थापना कालदेखिको विकास क्रमलाई सम्झँदै हालसम्मको वित्तीय अवस्था प्रस्तुत गर्नुभएको थियो । संस्थाका कुल ६० हजार सदस्य र दुई अरब भन्दा बढीको पूँजी परिचालन गर्दै सदस्यहरुलाई सेवा प्रदान गरिएको प्रमुख कार्यकारी अधिकृतले जानकारी गराउनुभयो । कार्यक्रममा संस्थाका संस्थापक अध्यक्ष कृष्ण प्रसाद शर्माले २५ जनाको समूहबाट शुरु भएको संस्था विधिवत् रुपमा दर्ता हुँदै अहिले नवलपरासी, चितवन र तनहुँको क्षेत्रमा सेवा प्रदान गरेको साथै देश विदेशमा समेत ख्याती प्राप्त गर्न सफल भएकोमा धन्यवाद दिँदै खुशी व्यक्त गर्नु भएको थियो ।
कार्यक्रममा संस्थाका सल्लाहकार एवं समाजसेवी मदनभक्त अधिकारी, संस्थाका पूर्व अध्यक्ष एवं नवलपरासी जिल्ला बचत तथा ऋण सहकारी संस्था लि.का अध्यक्ष माधव प्रसाद गौतम, निर्वतमान अध्यक्ष गोपाल प्रसाद गौतम, लेखा तथा सुपरिवेक्षण संयोजक चिन्तामणि कण्डेलले संस्थाले सदस्यहरुको लागि प्रभावकारी सेवा प्रदान गर्दै आईरहेकोमा धन्यवाद दिँदै हाल विश्वमा आईरहेको कोरोना भाईरसको असर र आगामी दिनमा आउन सक्ने महामारीमामा पनि अझ क्रमशः सेवा स्तरोन्नति गर्दै प्रविधिमा जोड दिनुपर्ने अवस्था आएको बताउनुभयो ।
संस्थाले हालसम्म २५ वटा संस्थासँग एकीकरण गरी एकिकृत सेवा प्रदान गर्दै आएकोमा यस रजत वर्षको कार्यक्रम सम्पन्न गर्नको लागि अध्यक्षको संयोजकत्वमा सञ्चालक समिति र सेवा केन्द्र संयोजकहरु सदस्य तथा प्रमुख कार्यकारी अधिकृत नवराज सापकोटा सदस्य सचिव रहने गरी रजत महोत्सव मूल समारोह समिति गठन गरेको छ । संस्थाले सदस्य स्तरका कार्यक्रम, वाल सदस्यस्तरीय कार्यक्रम, अन्तर सहकारी संस्था, सामाजिक उत्तरदायित्व एवं मानविय कृयाकलाप, संचालक एवं कर्मचारी स्तरीय, विद्यालय स्तरीय, एकिकरण संस्था सम्मान, र स्थापनाकाल सदस्य सम्मान, किसान सहकारी राष्ट्रिय पुरस्कार, स्तम्भ अनावरण, रजत स्मारिका प्रकाशन, ज्येष्ठ, नागरिक, एकल महिला स्तरीय कार्यक्रम, खेलकुद तथा साहित्यीक कार्यक्रम, सहकारी प्रबर्द्धनका अन्य कार्यक्रमहरुसमेत समेटी आगामी दिनमा कार्यक्रम तालिका प्रकाशन गर्ने र अन्य आवश्यक उपसमितिहरु गठन गरिने संस्थाका अध्यक्ष श्रीहरि चालिसेले बताउनुभयो । सामाजिक दुरी कायम गर्दै सम्पन्न गरिएको कार्यक्रम संस्थाका सचिव अनिल सापकोटाले सञ्चालन गर्नुभएको थियो ।
– १५ असार २०७७
गैंडाकोट, १ जेठ । किसान बचत तथा ऋण सहकारी संस्था लिमिटेडको २१औं सेवाकेन्द्र गैंडाकोट-४, सहजचोकमा शुभाम्भ गरिएको छ । सहज सेवाकेन्द्रका संयोजक तिर्थराज रिमालज्यूको अध्यक्षतामा सम्पन्न उक्त कार्यक्रममा संस्थाको २१औं सेवाकेन्द्रकारुपमा सहज सेवाकेन्द्रको गैंडाकोट नगरपालिका वडा नं. ४ का वडा अध्यक्ष कृष्ण प्रसाद न्यौपाने ज्यूद्वारा सेवाकेन्द्रको दिप प्रज्जवलन गरि शुभारम्भ गर्नुभएको छ।
“किसान को सान: एकीकृत सेवा को अभियान” अन्तर्गत साविक सहज स्वास्थ्य सहकारी र किसान साकोस बिच एकिकरण पश्चात सहज सेवाकेन्द्र सञ्चालनमा आएको हो। सामाजिक दुरी कायम राख्दै सञ्चालन गरिएको कार्यक्रममा विषेश अतिथी गैंडाकोट नगरपालिकाका प्रशासकिय अधिकृत लिलाधर शर्माज्यू र विषेश उपस्थितीमा संस्थाका अध्यक्ष श्रीहरि चालिसेज्यू, लेखा तथा सुपरिवेक्षण समिति संयोजक चिन्ता मणी कडेलज्यू, कोषाध्यक्ष प्रेम सापकोटाज्यू, साविक सहज स्वास्थ्य सहकारीका संस्थापक अध्यक्ष भिम प्रसाद शर्माज्यू, पूर्व अध्यक्ष करुणा सागर सुबेदीज्यू, संस्थाका निवर्तमान अध्यक्ष तथा ऋण संयोजक गोपाल प्रसाद गौतमज्यू, पूर्व अध्यक्ष तथा शिक्षा उपसमिति संयोजक तिलक प्रसाद पराजुलीज्यू, सञ्चालक सदस्य राजेन्द्र गौतमज्यू, पार्वती ज्ञवालीज्यू, संस्थाका प्रमुख कार्यकारी अधिकृत नवराज सापकोटाज्यू, विजयनगर सेवाकेन्द्र संयोजक नर बहादुर थापाज्यू, हिमचुली सेवाकेन्द्र संयोजक जयलाल पराजुलीज्यू, संस्थाका सल्लाहकार समितिका सदस्य दयाराम पौडेलज्यू, सहज सेवाकेन्द्रका सल्लाहकार टोलनाथ घिमिरेज्यू र तेज प्रसाद घिमिरेज्यू लगाएत सेवाकेन्द्र व्यवस्थापन समितिका पदाधिकारीहरु एवं कर्मचारीहरु रहनु भएको थियो।
कार्यक्रम संस्थाका सचिव अनिल सापकोटाज्यूले सहजिकरण एवं सञ्चालन गर्नु भएको थियो।
किसान बचत तथा ऋण सहकारी संस्था लिमिटेडले आफ्नो सेवा केन्द्र विस्तार गर्ने क्रममा रत्ननगरको सौहार्द साकोससँग एकीकरण पश्चात रत्ननगर टाँडी बजारमा सौहार्द सेवाकेन्द्रका रुपमा एकिकृत सेवा शुभारम्भ गरेको छ ।
सोमबार किसान साकोसका अध्यक्ष श्रीहरि चालिसे र सेवा केन्द्र व्यवस्थापन समितिका संयोजक चन्द्रप्रसाद नेपालले विधिवत पुजा गरि सेवा शुभारम्भ गर्नुभएको छ। सो अवसरमा पाँच कन्याहरुलाई बालबचत खाता सञ्चालन गरी पासबुक उपलब्ध गराइएको थियो ।
संस्थाले स्थापनाकालदेखि हालसम्म विभिन्न २४ वटा सहकारीसँग एकीकरण गरी सेवा प्रदान गरेको र प्रदेश ३, ४ र ५ मा आफ्नो कार्यक्षेत्र विस्तार गर्दै उत्कृष्ट सेवा प्रदान गर्दै आएको छ ।
किसान साकोस अब २० वटा सेवा केन्द्रमार्फत सेवा सञ्चालन भइरहेको र संस्थाको कुल कारोबार एक अर्ब ८५ करोड रुपैयाँ रहेको छ । संस्थाले एम्बुलेन्स सेवासमेत सुचारु गरेको बताउँदै सदस्यहरुलाई नारायणी सामुदायिक हस्पिटलमा १७ प्रतिशत छूट तथा पूर्ण शारिरिक जाँचमा ३० प्रतिशत छुट सुविधालगायत अन्य सदस्यलक्षित कार्यक्रमहरु सञ्चालन गर्दै आएको छ ।
संस्थाले ३६५ दिन नै सेवा प्रदान गर्दै आएको छ । यस्तै, मोबाइल बैंकिङ, एक लाखसम्मको निःशुल्क दुर्घटना बिमा, निःशुल्क एबीबीएस सेवा, २० हजार रुपैयाँको पारिवारिक राहत कोष, आकस्मिक ऋण व्यवस्था, जुनसुकै देशबाट पठाएको रकम तुरुन्त पाइने, नेपालको जुनसुकै ठाउँमा रकम पठाउन र प्राप्त गर्न सकिने, मोबाइल, डिस होम, एडीएसएल, टेलिफोनमा रिचार्ज सुविधा, विद्युत् तथा पानीको भुक्तानी सुविधा, सुत्केरी भेटघाट तथा सदस्य सम्मान कार्यक्रम, लघुवित्त कार्यक्रमलगायतका सेवासमेत सञ्चालन गर्दै आएको छ ।
सेवा शुभारम्भ कार्यक्रममा केन्द्रीय समिति र सेवा केन्द्र व्यवस्थापन समिति सदस्य, विभिन्न उपसमिति, सल्लाहकार तथा सदस्यहरुको उपस्थिति रहेको थियो ।
किसान बचत तथा ऋण सहकारी संस्था लि., दुम्किबास सेवाकेन्द्र अन्तर्गत विनयी त्रिवेणी-४, सर्दीमा सम्पर्क कार्यालय मार्फत सेवा शुभारम्भ गरिएको छ । कार्यक्रम दुम्किबास सेवाकेन्द्र संयोजक श्री प्रकाश खनालज्यूको अध्यक्षता एवं संस्थाका अध्यक्ष श्री श्रीहरी चालिसे, कोषाध्यक्ष श्री प्रेम सापकोटा, संचालक सदस्य श्री दु्र्गा प्रसाद चालिसे, श्री बालु पुरी, श्री जयलाल पराजुली, प्रमुख कार्यकारी अधिकृत श्री नवराज सापकोटाज्यूको विषेश उपस्थिती रहेको थियो भने दुम्किबास सेवाकेन्द्र व्यवस्थापन समिति सहसंयोजक श्री बुद्धि प्रसाद पौडेल, सदस्यहरू श्री ढाकाराम शर्मा, श्री तेज प्रसाद कोईराला, श्री कृष्ण बहादुर वि.क., सर्दी सम्पर्क कार्यालय व्यवस्थापन उपसमिति सदस्य श्री दमयन्ती रूचाल लगायत शेयर सदस्यहरू एवं कर्मचारीहरूको उपस्थितिमा सम्पन्न भयो ।
२०७६ कार्तिक ९
सहकारी संस्थाकाे संख्यात्मक हैन गुणात्मक वृद्धि गराै भन्ने नाराका साथ सहकारी एकिकरण अभियानलाई अगाडि बढाउने क्रममा भरतपुर महानगरपालिका वडा नं. १० सि्थत सप्तरङ्गी साकाेस र किसान साकाेस बिच एकिकरणकाे कार्यविधी र शर्त माथी छलफल गरी सम्झाैता सम्पन्न।
किसानको शान : एकीकृत सेवाको अभियानमा सप्तरङ्गी साकाेस सहीत २१ वटा संस्थासंग किसान साकाेसले एकीकरण गर्न सफल भएकाे छ ।