किसान बचत तथा ऋण सहकारी संस्था लि., कावासोती सेवाकेन्द्रको आयोजनामा वित्तिय साक्षरता तालिम एवं नीति तथा नियमको बारेमा छलफल कार्यक्रम होटल द फुलमुनको सभा हलमा सम्पन्न भएको छ ।
८२ जना सहभागी रहेको कार्यक्रम कावासोती सेवाकेन्द्र संयोजक श्री देवी घिमिरेको अध्यक्षता र संस्थाका पूर्व अध्यक्ष तथा शिक्षा समिति संयोजक श्री तिलक पराजुली र लघुवित्त प्रमुख श्री प्रेम अधिकारको सहजीकरणमा संचालन भएको थियो ।
उक्त कार्यक्रममा सेवाकेन्द्र संयोजकज्यूले वित्तिय साक्षरता तालिमले महिलाहरुलाई वित्तीय व्यवस्थापनमा सहयोग पुर्याउने बताउनुभयो साथै सहभागीहरुले उक्त कार्यक्रम निकै जीवनोपयोगी रहेको भन्दै संस्थालाई धन्यवाद दिनुभएको थियो ।
साथै उक्त तालिममा संचालक सदस्य श्री पशुपति पाेखरेल, व्यवसाय प्रवर्धन उपसमिति सदस्य श्री दिपक चन्द्र भट्टराई, कावासोती सेवाकेन्द्र उपसमिति सदस्य श्री शुभ राना र श्री कृष्ण कुमारी पाण्डेको विषेश उपस्थिती रहेको थियो।
२४ माघ २०७६, कावासोती