किसान बचत तथा ऋण सहकारी संस्था लिमिटेडले संस्थामा कार्यरत कर्मचारीहरुका लागि पेशागत विकास तथा उत्प्रेरणात्मक तालिम सम्पन्न गरेको छ।
फ्यामेली क्याफे गैंडाकोटमा संस्थामा कार्यरत रहेका सबै १२३ जना कर्मचारीहरुलाई शैक्षिक परामर्शदाता तथा राष्ट्रिय प्रशिक्षक विनोद कार्कीले १ दिने प्रशिक्षण दिनुभएको थियो ।
कर्मचारीहरुमा पेशागत क्षमता विकास तथा व्यक्तित्व विकास गरी समग्रमा संस्थाको गुणस्तरीय सेवा प्रवाह गर्न बिगत ७ वर्षदेखि निरन्तर रुपमा वर्षमा २ पटक कर्मचारीहरुलाई सो किसिमको तालिम आयोजना हुँदै आएको छ ।
संस्थाका अध्यक्ष श्रीहरि चालिसेज्यूको अध्यक्षतामा सम्पन्न भएको कार्यक्रममा उपाध्यक्ष भोजराज पौडेलज्यू, सचिव अनिल सापकोटाज्यू, कोषाध्यक्ष प्रेम सापकोटाज्यू र पुर्वअध्यक्ष तथा ऋण समिती संयोजक गोपाल प्रसाद गौतमज्यू, संस्थाका कार्यकारी अधिकृत नवराज सापकोटाज्यूको उपस्थिती रहेको थियो।
News Coverage:
https://www.samriddhikhabar.com/2020/02/blog-post_33.html