समृद्ध सदस्य, दिगो साकोसको परिकल्पनाका साथ अगाडि बढेको किसान बचत तथा ऋण सहकारी संस्था लि.को २५औँ सेवाकेन्द्र, कावासोति नगरपालिका ६ मा बिष्णृुनगर सेवाकेन्द्रको सेवा शुभारम्भ कार्यक्रम सेवाकेन्द्र संयोजक श्री तवारक अहमद मियाज्यूको सभापतित्व र संस्थाका अध्यक्ष श्रीहरि चालिसेज्यूको विषेश आतिथ्यताको साथै कावासोती नगरपालिकाका उपमेयर श्री प्रेम शंकर मर्दनीया थारुज्यूको प्रमुख आतीथ्यतामा हीजो मिति २०७८ कार्तिक १६ गते सुसम्पन्न भयो ।
View post on imgur.com
नवलपुर । किसान बचत तथा ऋण सहकारी संस्थाले गैँडाकोट नगरपालिका वडा नं. ११ हर्कपुरमा “समृद्ध सदस्य दिगो साकोस” परिकल्पनाका साथ २४औं सेवाकेन्द्रको आज सेवाकेन्द्र परिसरमा आयोजित उद्घाटन समारोहमा कार्यक्रमका प्रमुख अतिथि गैँडाकाेट नगरपालिका वडा नं ११का अध्यक्ष गोविन्द सुवेदीले रिवन काट्दै खुत्रुकेमा पैसा राखेर सेवाकेन्द्रकाे उद्घाटन गर्नुभयाे ।
सेवाकेन्द्र व्यवस्थापन उपसमितिका संयोजक माधव कोइरालाको अध्यक्षतमा भएको कार्यक्रममा संस्थाका अध्यक्ष श्रीहरि चालिसेले स्वागत मन्तव्य राख्दै सेवाकेन्द्र स्थापनाको उदेश्य माथी प्रकाश पार्नुभएको थियो । सेवाकेन्द्र उद्घाटन समारोहमा गैँडाकोट नगरपालिका वडा नं. १० का अध्यक्ष देवीदत्त कंडेल, वडा १३ का अध्यक्ष पदमलाल पौडेल सहित ५० भन्दा बढि संघसंस्थाका प्रमुख तथा प्रतिनिधिहरुको उपस्थिति रहेको थियो ।
सेवाकेन्द्र स्थापनाको अवसरमा मन्तव्य राख्दै संस्थाका अध्यक्ष श्रीहरी चालिसेले यहि वर्ष नै ३० वटा सेवाकेन्द्र पुर्याउने लक्ष्य रहेको बताउनु भयो ।
एशीयाली ऋण महासंघबाट गुणस्तरीय चिन्ह प्राप्त गर्न सफल किसान साकोसले विगत २५ वर्षदेखि निरन्तर सेवा प्रदान गर्दै आएको छ ।
View post on imgur.com
” समृद्ध सदस्य दिगो साकोस ” परिकल्पनाका साथ अगाडी बढेको किसान बचत तथा ऋण सहकारी संस्था अब नवलपुर, चितवन र तनहुँका २७वटा स्थानहरुबाट सेवा प्रदान गर्ने भएको छ।
सेवा केन्द्र विस्तार गर्ने क्रममा गैंडाकोट नगरपालिका वडा न. ११ स्थित हर्कपुरमा हर्कपुर सेवा केन्द्र श्री माधव प्रसाद कोइरालाज्यूको संयोजकत्व तथा श्री फौद बहादुर महत्तोज्यूको सह-संयोजकत्वमा ९ सदस्यीय व्यवस्थापन उपसमिति गठन भएको छ ।
सेवा केन्द्र विस्तार गर्ने क्रममा कावासोती नगरपालिका-१२ पिठौलीमा पिठौली सेवाकेन्द्र व्यवस्थापन उपसमिति श्री श्याम नारायण महतोज्यूको संयोजकत्व तथा श्री राम प्रसाद श्रेष्ठज्यूको सह-संयोजकत्वमा ९ सदस्यीय समिती गठन भएको छ।
सेवा केन्द्र विस्तार गर्ने क्रममा कावासोती न.पा., विष्णुनगर, कोइलापानी, शंखदेव क्षेत्रका सदस्य सेवा प्रारम्भको तयारी स्वरूप सदस्यता विस्तार, कार्यलय निर्माण संगै ११ सदस्यीय सेवाकेन्द्र व्यवस्थापन उपसमिति श्री तवारक अहम्मद मियाज्यूको संयोजकत्वमा गठन भएको छ।
नव गठित सम्पूर्ण सेवा केन्द्र व्यवस्थापन उपसमितिका पदाधिकारी ज्यूहरुलाई हार्दिक बधाई तथा शुभकामना व्यक्त गर्दछौ ।
गैँडाकोट । किसान बचत तथा ऋण सहकारी संस्थाले दशैको लागि नयाँ नोट उपलव्ध गराउने भएको छ । नेपालीहरुको महान पर्व विजयादशमीको अवसरमा किसानले नयाँ नोट उपलव्ध गराउन लागेको हो । संस्थाका अध्यक्ष श्रीहरी चालिसेले किसानका सदस्यहरुका लागि विगतका वर्षहरुमा जस्तै यस वर्ष पनि नयाँ नोट सटहीको प्रबन्ध मिलाइएको जानकारी दिनुभयो ।
हामिले विगतका वर्षहरुमा जस्तै यस वर्षपनि नयाँ नोट सटहीको व्यवस्था मिलाएका छौं अधयक्ष चालिसेले भन्नुभयो : आईतबार देखि नै किसानका सदस्यहरुले नयाँ नोट प्राप्त गर्न सक्नुहुनेछ । बैंकहरुमा लामो लाईन बस्नुपर्ने बाध्यतालाई ध्यानमा राखेर आफ्ना सदस्यहरुको सहजताका लागि भन्दै किसानले यो सुविधा उपलव्ध गराउन लागेको हो ।
किसान बचत तथा ऋण सहकारी संस्थाका सबै सेवाकेन्द्रहरु मार्फत किसानका सदस्यहरुले नयाँ नोट पाउन सक्नेछन। नवलपुरको गैँडाकोटमा केन्द्रीय कार्यालय रहेको किसान बचत तथा ऋण सहकारी संस्थाका नवलपुर, चितवन र तनहुँमा गरि २७ वटा सेवा केन्द्र रहेका छन् ।
भरतपुर, ११ वैशाख ।
किसान बचत तथा ऋण सहकारी संस्था लिमिटेडले २१औँ सेवाकेन्द्र नारायणगढको पुतलीबजारमा ‘नारायणगढ सेवाकेन्द्र’ सुरु गरेको छ । उद्योग वाणिज्य संघ चितवनका बरिष्ठ उपाध्यक्ष चुननारायण श्रेष्ठद्वारा सेवाकेन्द्रको उद्घाटन रिबन काटेर गर्नु भएको छ ।
उद्घाटन कार्यक्रममा बोल्दै प्रमुख अतिथि श्रेष्ठले “सहकारीले बचत र ऋण सँगसँगै उत्पादनमुलक कामलाई प्राथमिकतामा राख्नुपर्ने” बताउनुभयो । “`बैंकले व्यापार र बिनिमयलाई आफ्नो मुख्य अभियान बनाए पनि आफूले हेर्ने हरेक क्षेत्रमा उत्पादनमुखी हुनसकेमा सेवाग्राहीलाई सफलता मिल्नेछ” -श्रेष्ठले भन्नुभयो ।
किसान बचत तथा ऋण सहकारी संस्था लिमिटेडका अध्यक्ष श्रीहरि चालिसे कार्यक्रममा किसानले किसानमैत्री बित्तीय कारोबार सँगसँगै सामाजिक उत्तरदायित्व अन्तर्गतका सेवामुखी कामहरू निरन्तर गर्दै आइरहेको बताउनुभयो ।
नवलपुरको गैंडाकोटमा केन्द्रीय कार्यालय रहेको किसान बचतको यो २१ औँ शाखा हो । नवलपुरका ८ वटै स्थानीय निकायमा यसका शाखा र सेवा केन्द्र छन् । त्यसैगरी भरतपुर महानगरपालिका, रत्ननगर नगरपालिका र तनहुँको देवघाट गाउँपालिकामा पनि किसान बचतका सेवा केन्द्रहरू रहेका छन् ।
आगामी ५ वर्षभित्र कुल ४० वटा शाखा मार्फत सेवा प्रदान गर्ने लक्ष्य रहेको अध्यक्ष चालिसेले बताउनुभयो ।
नारायणगढ शाखाका संयोजक शंकर घिमिरेले किसान बचतले नारायणगढका व्यवसायी र नगरबासीको सेवा गर्न आएकोले सेवा गर्ने मौका दिन अनुरोध गर्नुभयो ।
७० हजार बढी सदस्य रहेका किसान साकोसको ३ अर्ब बराबरको पुँजी छ । किसानले कृषि, व्यापार, पेशा, साना व्यवसाय, लघुउद्यम, शिक्षा, घरजग्गा, हायरपर्चेज, अटो लगायतका क्षेत्रमा ऋण प्रदान गर्दै आइरहेको छ ।
कार्यक्रममा किसान साकोसका सञ्चालक समिति सदस्यहरु, सेवाकेन्द्र व्यवस्थापन समितिहरु, सिईयो, लगाएत कर्मचारीहरुको उपस्थिति रहेको थियो। कार्यक्रमको सहजिकरण संस्थाका सचिव अनिल सापकोटाले गर्नु भएको थियो।
किसान बचत तथा ऋण सहकारी संस्था लि, सौहार्द सेवा केन्द्र सौराहाचोक, टाँडी, रत्ननगर १, चितवनद्वारा आयोजित १ दिने झोल साबुन तथा बाटेको धुप बनाउने तालिम सम्पन्न भएको छ । यस कार्यक्रममा संस्थाका महिला समुहमा आवद्ध महिला सदस्यहरुको सीप विकास तथा उद्यमशिलता विकास र आर्थिक स्तर उकास्ने उद्देस्यले रत्ननगर १ स्थीत हरिहर बेन्क्युटक सभाहलमा सञ्चलान भएको हो ।
कार्यक्रमको उद्घाटन प्रमुख अतिथि सहकारी उपशाखा प्रमुख श्री गृष्मा शर्माले ब्यानर पढेर गर्नुभएको थियो । उहाँले तालिम पछि किसान साकोसका सबै सदस्यहरुले आफ्नो सीपबाट उत्पादन भएको सामाग्रीबाट आय आर्जन गर्दै आत्म निर्भर र स्वाबलम्बी हुनुहुनेछ भन्ने विश्वास राख्दै, थप तालिमहरुको आयोजना गरी किसान साकोस सौहार्द सेवा केन्द्रले आफ्ना सदस्यलाई साच्चै गरिविको रेखाबाट माथि उकास्ने छ भन्ने अपेक्षा सहित शुभकामना व्यक्त गर्नुभयो ।
लघुवित्त उप समिति संयोजक श्री सविता पौडेलद्वारा स्वागत मन्तव्य राख्नुभएको कार्यक्रममा अतिथिको रूपमा केन्द्रीय प्रतिनिधी सह सचिव श्री सरस्वती कँडेल, केन्द्रीय प्रतिनिधी सञ्चालक सदस्य पार्वती ज्ञावली, लघु वित्त उप समिति सदस्य श्री अन्जु घिमीरे, लघुवित्त प्रमुख प्रेम अधिकारी लगायतको उपस्थिति थियो। तालिमको सहजकर्ता संस्थाका सह सचिव सरस्वती कडेल र सञ्चालक सदस्य श्री पार्वती ज्ञावली गर्नुभएको थियो ।
तालिमपछि लालीगुँरास महिला समुहको अध्यक्ष सुर्यवती उपाध्यायले तालिमले सबैको आय आर्जनमा वृद्धि हुने र आफुलाई खर्च गर्ने रकम आफै कमाउन सकिने, तालिमले महिलाहरुलाई सक्षम र नेतृत्व विकास गराउने साथै महिलाहरुलाई आवश्यकता बमोजिम गर गहना बनाउने तालिमको समेत अपेक्षा राख्दै मन्तव्य व्यक्त गर्नुभयो ।
त्यस्तै सक्रिय महिला समुहको सचिव रोसा सापकोटाले तालिमबाट सिकेको सिपको पूर्ण प्रयोग गर्दे आय आर्जन भएको सबै रकम संस्थामै बचत गर्ने बानीको विकास गर्नुपर्ने विचार राख्नुभयो ।
उक्त कार्यक्रम सौहार्द सेवा केन्द्र संयोजक श्री चन्द्रप्रसाद नेपालको सभापतित्वमा सम्पन्न भएको थियो। ५५ जना उपस्थित कार्यक्रममा २७ समूहबाट ४७ जनाले तालिममा सहभागिता जनाएका थिए । कार्यक्रमको सञ्चालन इन्चार्ज भरत प्रसाद पौडेलले गर्नुभएको थियो।
