किसान साकोसको लघुवित्त कार्यक्रम अन्तर्गत समुह परिचालकहरुको बैठक सम्पन्न गरिएको छ। क्षेत्रीय रुपमा सम्पन्न भएको उक्त बैठकमा संस्थामा कार्यरत सम्पूर्ण समुह परिचालक कर्मचारीहरुको उपस्थिती रहेको थियो। विशेषगरी आगामी रणनीतिक योजनाको विषयमा भएको उक्त बैठकमा समुह संख्या वृद्धि, बचत कार्यक्रममा वृद्धि, लघु उद्यममा जोड लगायतको विषयमा छलफल तथा प्रस्तुतिकरण गर्दै बैठकको समापन गरिएको थियो।
क्षेत्रगतरुपमा दुई दिनसम्म भएको कार्यक्रममा संस्थाका प्रमुख कार्यकारी अधिकृत नवराज सापकोटा, वरिष्ठ अधिकृत गणेश शर्मा पौडेल, क्षेत्रीय प्रमुखहरु माधव वन र जिवलाल तिवारी, इन्चार्जहरु अजुर्न पौडेल, डिलाराम न्यौपाने लगायतको उपस्थिती रहेको थियो। कार्यक्रमको सहजीकरण लघुवित्त कार्यक्रम प्रमुख प्रेम प्रसाद अधिकारीले गर्नु भएको थियो। संस्थाको लघुवित्त कार्यक्रममा अहिले करिब बाइस हजार शेयर सदस्य आबद्ध रहेका छन्।