किसान साकोसको २४औ साधारण सभा एवं ११औ नेतृत्व चयन कार्यक्रमको निर्णय प्रमाणीत हस्ताक्षर सपथ ग्रहण तथा पद हस्तान्तरण समारोह सम्पन्न

किसान साकोसको २४औ साधारण सभा एवं ११औ नेतृत्व चयन कार्यक्रमको निर्णय प्रमाणीत हस्ताक्षर सपथ ग्रहण तथा पद हस्तान्तरण समारोह संस्थाका अध्यक्ष श्रीहरि चालिसेको अध्यक्षतामा र नेफ्सकूनका सञ्चालक सदस्य तथा गण्डकी प्रदेश संयोजक भिम गुरुङ्ग ज्यूको प्रमुख आतिथ्यतामा सम्पन्न भयो।
आगामी ४ वर्षे कार्यकालका लागि श्रीहरि चालिसेको अध्यक्षतामा १९ सदस्यि सञ्चालक समिति र चिन्तामणी कण्डेलको संयोजकत्वमा ३ सदस्यीय लेखा तथा सुपरिवेक्षण समिति सर्वसम्मत रुपमा चयन हुनुभएको छ।
निर्वाचित पदाधिकारी तथा सदस्यज्यूहरुलाई निर्वाचन उपसमिति संयोजक रमेश काफ्ले, सदस्यहरु कृष्ण प्रसाद पराजुली र हिमाल देव पंगेनीले सपथ ग्रहण गराई प्रमाण पत्र प्रदान गर्नुभएको थियो।
कार्यक्रममा नेफ्स्कूनका सञ्चालक सदस्य भरत प्रसाद दवाडी, जिल्ला सहकारी संघ नवलपरासीका अध्यक्ष केशव प्रसाद सापकोटा, जिल्ला बचत तथा ऋण सहकारी संस्था लि. नवलपुरका अध्यक्ष माधव प्रसाद गौतम, नेपाल रेडक्रस सोसाईटीका सभापति मदन भक्त अधिकारी, गैँडाकोट नगरपालिकाका वडा अध्यक्षहरु, विभिन्न आमन्त्रित संघ संस्थाका अध्यक्ष तथा प्रतिनिधीज्यूहरु, संस्थाका पुर्व अध्यक्षहरु, संस्थापक सदस्यहरु, सल्लाहकारहरु, विभिन्न उपसिमितिका संयोजक तथा सदस्यहरु, सेवाकेन्द्र संयोजक तथा व्यवस्थापन उपसमितिका सदस्यहरु, निर्णय प्रमाणीत गर्ने प्रतिनिधीहरु लगायत सेयर सदस्यहरु, पत्रकारहरु तथा संस्थाका कर्मचारीहरुको सहभागिता रहेको थियो।
संस्थाका सचिव अनिल सापकोटाले सञ्चालन गर्नु भएको कार्यक्रममा उपाध्यक्ष भोजराज पौडेलले स्वागत मन्तव्य राख्नु भएको थियो। कार्यक्रममा नवनिर्वाचित समितिलाई विशिष्ट अतिथी माधव प्रसाद गौतम, नेफ्स्कून सञ्चालक सदस्य भरत प्रसाद दवाडी र प्रमुख अतिथी नेफ्स्कून सञ्चालक सदस्य तथा गण्डकी प्रदेश संयोजक भिम गुरुङ्गले शुभकामना मन्तव्य दिनुभएको थियो।
वक्ताहरुले संस्थागत विकासको लागि हार्दिक बधाई दिँदै आगामी दिनमा पनि संस्थागत चौतर्फी विकास र प्रगतिको लागि शुभकामना व्यक्त गर्नुभएको थियो।

२०७६ मंसिर २५