नवलपुर । किसान बचत तथा ऋण सहकारी संस्थाले गैँडाकोट नगरपालिका वडा नं. ११ हर्कपुरमा “समृद्ध सदस्य दिगो साकोस” परिकल्पनाका साथ २४औं सेवाकेन्द्रको आज सेवाकेन्द्र परिसरमा आयोजित उद्घाटन समारोहमा कार्यक्रमका प्रमुख अतिथि गैँडाकाेट नगरपालिका वडा नं ११का अध्यक्ष गोविन्द सुवेदीले रिवन काट्दै खुत्रुकेमा पैसा राखेर सेवाकेन्द्रकाे उद्घाटन गर्नुभयाे ।
सेवाकेन्द्र व्यवस्थापन उपसमितिका संयोजक माधव कोइरालाको अध्यक्षतमा भएको कार्यक्रममा संस्थाका अध्यक्ष श्रीहरि चालिसेले स्वागत मन्तव्य राख्दै सेवाकेन्द्र स्थापनाको उदेश्य माथी प्रकाश पार्नुभएको थियो । सेवाकेन्द्र उद्घाटन समारोहमा गैँडाकोट नगरपालिका वडा नं. १० का अध्यक्ष देवीदत्त कंडेल, वडा १३ का अध्यक्ष पदमलाल पौडेल सहित ५० भन्दा बढि संघसंस्थाका प्रमुख तथा प्रतिनिधिहरुको उपस्थिति रहेको थियो ।
सेवाकेन्द्र स्थापनाको अवसरमा मन्तव्य राख्दै संस्थाका अध्यक्ष श्रीहरी चालिसेले यहि वर्ष नै ३० वटा सेवाकेन्द्र पुर्याउने लक्ष्य रहेको बताउनु भयो ।
एशीयाली ऋण महासंघबाट गुणस्तरीय चिन्ह प्राप्त गर्न सफल किसान साकोसले विगत २५ वर्षदेखि निरन्तर सेवा प्रदान गर्दै आएको छ ।
” समृद्ध सदस्य दिगो साकोस ” परिकल्पनाका साथ अगाडी बढेको किसान बचत तथा ऋण सहकारी संस्था अब नवलपुर, चितवन र तनहुँका २७वटा स्थानहरुबाट सेवा प्रदान गर्ने भएको छ।
सेवा केन्द्र विस्तार गर्ने क्रममा गैंडाकोट नगरपालिका वडा न. ११ स्थित हर्कपुरमा हर्कपुर सेवा केन्द्र श्री माधव प्रसाद कोइरालाज्यूको संयोजकत्व तथा श्री फौद बहादुर महत्तोज्यूको सह-संयोजकत्वमा ९ सदस्यीय व्यवस्थापन उपसमिति गठन भएको छ ।
सेवा केन्द्र विस्तार गर्ने क्रममा कावासोती नगरपालिका-१२ पिठौलीमा पिठौली सेवाकेन्द्र व्यवस्थापन उपसमिति श्री श्याम नारायण महतोज्यूको संयोजकत्व तथा श्री राम प्रसाद श्रेष्ठज्यूको सह-संयोजकत्वमा ९ सदस्यीय समिती गठन भएको छ।
सेवा केन्द्र विस्तार गर्ने क्रममा कावासोती न.पा., विष्णुनगर, कोइलापानी, शंखदेव क्षेत्रका सदस्य सेवा प्रारम्भको तयारी स्वरूप सदस्यता विस्तार, कार्यलय निर्माण संगै ११ सदस्यीय सेवाकेन्द्र व्यवस्थापन उपसमिति श्री तवारक अहम्मद मियाज्यूको संयोजकत्वमा गठन भएको छ।
नवलपुर । नवपरासी पूर्वको गैँडाकोट नगरपालिका वडा नं. ८ मा केन्द्रीय कार्यालय रहेको किसान बचत तथा ऋण सहकारी संस्था लिमिटेड कला र साहित्यको संरक्षण तथा संम्वर्धन गर्न लागि परेको छ । वि.स. २०५२ सालमा स्थापना भएको किसान बचतले सामाजिक उत्तरदायित्व अन्तर्गत कला साहित्य तथा स्थानीय प्रतिभाहरुको प्रर्वधन गर्नका लागि किसान ग्यालरी नाम दिएर आफ्नै प्रर्दशनी हलको समेत व्यवस्था गरेको छ ।
फागुन ४ गते नेपाल ललितकला प्रज्ञा प्रतिष्ठानका कुलपति केके कर्माचार्यले उद्घाटन गरेको किसान ग्यालरीमा साहित्य र सृजनासँग सम्वन्धीत विभिन्न कार्यक्रमहरु भैरहेका छन् । किसान बचत तथा ऋण सहकारी संस्थाका अध्यक्ष श्रीहरी चालिसेले किसान ग्यालरीमा स्थानीय तथा राष्टिय स्तरका १७ जना चित्रकारका सामुहिक चित्रकाला प्रर्दशनी अहिलेपनि भैरहेको बताउनु भयो ।
त्रिवेणी साहित्य प्रतिष्ठान, कलावती आर्ट काउन्सील र WE द आर्टिस्ट संयुक्त आयोजनामा भैरहेको ‘आत्मदीपन’ नामक सामुहिक चित्रकला प्रर्दशनी आउदो २२ गतेसम्म जारी रहने छ ।१७ चित्रकारका ५० चित्र प्रदर्शनीमा छन । प्रदर्शनीमा राखिएका चित्र न्यूनतम १० हजारदेखि ६० हजार रुपैयाँसम्मका रहेको आयोजकले जनाएको छ । प्रद्रशनीमा वरिष्ठ साहित्यकार एवंम् चित्रकार गोविन्दराज विनोदी, चित्रकार भिम प्रसाद शर्मा, डि बराल लगायतका चित्रकारहरुका प्रतिभा राखिएकाे छ ।
कलाकार, साहित्यकार, रचनाकार सबैलाई किसानले अभिभावकीय रुपमा स्थान दिने भन्दै किसान ग्यालरीमा आगामी दिनमा समेत विभिन्न खालका कार्यक्रमहरु निरन्तर रुपमा गरिने किसान बचत तथा ऋण सहकारी संस्था लिमिटेडका प्रमुख कार्यकारी अधिकृत नविन सापकोटाले बताउनुभयो । किसान ग्यालरीको हल प्रयोग गरे वापत आयोजकले किसानलाई कुनैपनि शुल्क तिर्न नपर्ने उहाँले बताउनु भयो । सेवा भावले हामिले यहाँ हुने विभिन्न प्रर्दशनीका कार्यक्रमहरु निशुल्क हुने व्यवस्था मिलाएका छौ प्रमुख कार्यकारी अधिकृत सापकोटाले भन्नुभयो ।
किसान ग्यालरीमा साहित्य र श्रृजनाका अतिरिक्त किसानहरुले उत्पादन गरेका वस्तु तथा सेवाहरुको समेत प्रर्दशनीको तयारी भैरहेको छ । किसान साकोसका कोषाध्यक्ष एवंम लघुवित्त कार्यक्रमका संयाेजक प्रेम सापकोटाले केहिदिन पछिनै किसानले उत्दापन गरेका वस्तु तथा सेवाहरुको प्रर्दशनी गरिने योजना रहेको उज्यालोलाई सुनाउनु भयो । विभिन्न प्रकारका खाद्य सामाग्रीहरुको प्रर्दशनी गरि किसानको उत्पादनलाई उपभोक्ताको हातसम्म पुर्याउने उदेश्यले कार्यक्रमको तयारी भैरहेको उहाँले बताउनुभयो ।
सहकारीका सातवटा सिद्धान्तहरु मध्ये समुदाय प्रति चासाे भन्ने सिद्धान्तबाट अभिप्रेरित भै किसान बचत तथा ऋण सहकारी संस्थाले लामाे समयदेखि विभिन्न सामाजिक गतिविधिहरुलाई अगाडी बढाउदै आईरहेकाे छ ।
गैँडाकोट । कला भावना, संस्कृति अनि मनसँग नजिक हुन्छ । पछिल्लो समय चित्रकला प्रति आकर्षण बढ्दै गएको छ । घर तथा कार्यालयहरुमा चित्रकारद्वारा सिर्जित चित्रकला खरिद गरि राख्ने गरिएको छ । उपहारका रुपमा के दिउँ त भन्दा चित्रकला र चित्रहरु आउने गरेका छन् । यसले चित्रकलालाई व्यवस्थित र व्यावसायिक बनाउन पनि सघाएको छ । नारायणगढका अभिषेक तिमिल्सिना, किसान बचत तथा ऋण सहकारी संस्थाको गैंडाकोट ४मा स्थित सहज सेवाकेन्द्रमा रहेको “किसान आर्ट ग्यालरी”मा राखिएका चित्रहरु मन्त्रमुग्ध भएर हेर्दै थिए । कोरोनाका कारण धेरै व्यक्ति लामो समय बन्द कोठामा रहनुपर्ने बाध्यता आयो । यस्ता कठिनाईमा पनि प्रकृति झल्कने चित्र कोठामा सजाउन रुचि राख्ने गरेको तिमिल्सिना बताउँछन् । उनी भन्छन् “अहिले कोभिडका कारणले कोठाबाट मान्छे बाहिर निस्कन पाएनन अत्यासमा यि चित्रहरु हेरेर बुझेर केहि सिक्न पाउने हुँदा पनि यसले सहज बनायो ।” उनले थपे “म त चित्रहरु हेरेर मन शान्त बनाउँछु, रमाइलो लाग्छ र किन्छु ।” चित्रकलाप्रतिको मोह बढ्नुका साथै पछिल्लो समय चित्रकलालाई माया गर्नेहरुको जमात पनि बढेको छ । यसले चित्रकलालाई व्यावसायिक बनाउन मद्दत मिलेको छ । गैंडाकोट ८ का करुणासागर सुबेदीले थकान मेटाउन र उर्जावान महसुस गर्न चित्रहरु किनेर घर लैजाने गरेको उनले बताए । १० भन्दा बढि चित्र खरिद गरेका उनि भन्छन “चित्रप्रति मेरो छुट्टै आकर्षण छ । गौतम बुद्ध, हरियालीमा चित्रहरु हेरेर थकान मेटाउँछु र शान्ति महसुस गर्छु अनि उर्जावान महसुस गर्न बाघको चित्र हेर्छु ।” चित्रकलाले समाज, धर्म, संस्कृतिलाई संरक्षण गर्न सघाउ पु¥याउँछ । चित्रकलाका पारखी रामप्रसाद सुबेदीले पनि चित्रहरु किनेर घरमा सजाउने गरेको बताउँछन् । उनी भन्छन “घर सजावटका लागि मेरो आर्थिक अवस्थाले पुगेसम्मका चित्रहरु लगेर घरमा राख्ने गर्छु ।” कलाकारले मेहनेत गरेर बनाएका चित्रले समाजको यर्थाथतासँगै सन्देश दिने मौलाकालिका मन्दिरका अध्यक्ष शालिकराम सापकोटाको भनाई छ । उनी भन्छन् “कलाको सम्मान गर्नुपर्छ । त्यसैले हामीले मौलाकालिका मन्दिरको फेदिमा मूर्तिकला बनायौ, मेरो घरमा पनि भगवान र प्रकृतिका चित्रकला छन् ।” कलाले सकारात्मक मनोभावना बृद्धि गर्ने गैँडाकोट ५ की शान्ति न्यौपानेको बुझाई छ । मनमा शान्ति छाउने हुनाले पनि उनले चित्रकारले बनाएका चित्र र मूर्तिहरु किन्ने गरेको बताईन् । उनी भन्छिन् “कलाले मनलाई सकारात्मक बनाउँछ, यहि ठुलो कुरा हो ।”
चितवन — दामोदर उर्फ डी बराल बुधबार मध्याह्न किसान बचत तथा ऋण सहकारी संस्थाको नवलपुर गैंडाकोट-४मा रहेको सहज सेवाकेन्द्र परिसरमा भेटिए । यहाँको किसान आर्ट ग्यालरीमा सामूहिक चित्रकला प्रदर्शनी चलिरहेको छ । ‘आत्मदीपन’ शीर्षकको प्रदर्शनीमा बुद्ध र बुद्ध दर्शनसम्बन्धी चित्र राखिएका छन् । कलाकार बरालका बुद्धका चित्र पनि प्रदर्शनीमा छन् । उनको एउटै चित्रको मूल्य ६० हजार रुपैयाँसम्म छ । बराल चितवनका चित्रकार हुन् ।
‘आत्मदीपन’ मा राखिएको आफ्नो चित्रबारे बताउँदै कलाकार डी बराल । तस्बिर : रमेशकुमार पौडेल/कान्तिपुर
गत शुक्रबार गण्डकी प्रदेशका मुख्यमन्त्री कृष्णचन्द्र नेपालीले प्रदर्शनीको उद्घाटन गरेका हुन् । चितवनका अर्का पुराना र स्थापित चित्रकार प्रथा अर्थात् प्रकाश थापाले पनि बुद्धदर्शनलाई चित्रमा उतारेर प्रदर्शनमा राखेका छन् । १७ जना कलाकारका चित्र प्रदर्शनीमा राखिएको छ । जसमध्ये १२ जना चितवनकै हुन् । राजनीतिक सिमानाले चितवनको भरतपुर र नवलपुरको गैंडाकोटलाई अलग बनाएको छ । तर यो भेगका कलाकार/साहित्यकार एकै गोलोमा छन् ।
गोविन्दराज विनोदी पाका साहित्यकार मात्रै नभएर उम्दा चित्रकार पनि हुन् । उनको घर गैंडाकोट हो । तर नवलपुर र चितवनका हरेकजसो साहित्य र सिर्जनात्मक गतिविधिमा विनोदी सहभागी हुन्छन्, अतिथि पनि बन्छन् । ‘आत्मदीपन’ विनोदीले नै जुराएको शीर्षक हो । प्रदर्शनीमा दर्शनको उचाइलाई बुझाउने विनोदीको चित्र पनि समावेश छ ।
गैंडाकोटमा किसान बचत तथा ऋण सहकारी संस्था लिमिटेड छ । २०५२ सालमा स्थापना भएको यो सहकारीको नवलपुरमात्रै नभएर चितवनसहित तीन जिल्ला कार्य क्षेत्र हो । वर्षमा साढे तीन अर्ब रुपैयाँको कारोबार गर्ने किसान सहकारीको ७५ हजार सेयर सदस्य छन् । सहज परिसरको ग्यालरी किसान सहकारीले नै स्थापना गरेको हो ।
भीम शर्मा गैंडाकोटका स्थापित चित्रकार हुन् । राष्ट्रिय, अन्तर्राष्ट्रियस्तरमा उनका थुप्रै एकल र सामूहिक कला प्रदर्शनी भएका छन् । शर्मा किसान सहकारीका सेयर सदस्य र सल्लाहकार पनि हुन् । ‘सहकारीका सेयर सदस्यको सिर्जनशील क्षमतालाई प्रोत्साहित गर्ने नीतिअनुरूप गत वर्ष फागुन ४ मा हामीले यो ग्यालरी सञ्चालनमा ल्याएका हौं,’ शर्माले भने । गत वर्ष ‘संयोजन’ शीर्षकमा सामूहिक चित्रकला प्रदर्शनी भयो । ‘चितवन, नवलपुर र तनहुँ तथा हेटौंडासम्मका सर्जकको साझा प्लेटफर्म यो ग्यालरीलाई बनाउने उद्देश्य हो । चित्रकला मात्रै नभएर साहित्य सिर्जना र संगीतका कार्यक्रम पनि यहाँ आयोजना गरिनेछन् । कृषि तथा अन्य व्यावसायिक उत्पादनको प्रदर्शनी पनि गर्दै जाने योजना हाम्रो छ,’ शर्माले भने ।
‘आत्मदीपन’ सामूहिक चित्रकला प्रदर्शनी दसैंसम्म चल्नेछ । १७ चित्रकारका ५० चित्र प्रदर्शनीमा छन् । प्रदर्शनीमा राखिएका चित्र न्यूनतम १० हजारदेखि ६० हजार रुपैयाँसम्मका छन् । गैंडाकोट, भरतपुर र आसपासका क्षेत्रमा चित्रकारितामा सक्रिय कलाकार लगभग २५ जना छन् । ‘हामीले दुई महिनाको अन्तरालमा फरक विषयमा कला प्रदर्शनी राख्ने सोच बनाएका छौं । कोभिडले समस्या ल्याएर यो पटक ६ महिनाको अन्तरालमा भयो ।
प्रदर्शनी धेरै भए कलाकारहरू सिर्जनामा व्यस्त हुन्छन्, सक्रिय हुन्छन्,’ शर्माले भने । प्रदर्शनीले सर्वसाधारणलाई कलाका बारेमा बुझ्न मद्दत गर्ने र सिर्जना बिक्री हुने उनले बताए । राम्रो मूल्य पाए कला सिर्जनामा लागेकाहरू उत्प्रेरित हुने शर्माको बुझाइ छ । उपत्यकाबाहिर ग्यालरी राख्ने र सामूहिक चित्रकला प्रदर्शनी गर्ने प्रचलन खासै छैन । ‘हामी कलाकार हौं । यता उताको भन्ने भएन । हामीमा आत्मीयता हुन्छ,’ कलाकार बरालले भने, ‘सामूहिक चित्रकला प्रदर्शनीले हामीलाई एक–अर्काबाट सिक्न मद्दत गर्छ ।’
किसान साकोसको लघुवित्त कार्यक्रम अन्तर्गत समुह परिचालकहरुको बैठक सम्पन्न गरिएको छ। क्षेत्रीय रुपमा सम्पन्न भएको उक्त बैठकमा संस्थामा कार्यरत सम्पूर्ण समुह परिचालक कर्मचारीहरुको उपस्थिती रहेको थियो। विशेषगरी आगामी रणनीतिक योजनाको विषयमा भएको उक्त बैठकमा समुह संख्या वृद्धि, बचत कार्यक्रममा वृद्धि, लघु उद्यममा जोड लगायतको विषयमा छलफल तथा प्रस्तुतिकरण गर्दै बैठकको समापन गरिएको थियो।
क्षेत्रगतरुपमा दुई दिनसम्म भएको कार्यक्रममा संस्थाका प्रमुख कार्यकारी अधिकृत नवराज सापकोटा, वरिष्ठ अधिकृत गणेश शर्मा पौडेल, क्षेत्रीय प्रमुखहरु माधव वन र जिवलाल तिवारी, इन्चार्जहरु अजुर्न पौडेल, डिलाराम न्यौपाने लगायतको उपस्थिती रहेको थियो। कार्यक्रमको सहजीकरण लघुवित्त कार्यक्रम प्रमुख प्रेम प्रसाद अधिकारीले गर्नु भएको थियो। संस्थाको लघुवित्त कार्यक्रममा अहिले करिब बाइस हजार शेयर सदस्य आबद्ध रहेका छन्।
किसान बचत तथा ऋण सहकारी संस्था लिमिटेडले २१औँ सेवाकेन्द्र नारायणगढको पुतलीबजारमा ‘नारायणगढ सेवाकेन्द्र’ सुरु गरेको छ । उद्योग वाणिज्य संघ चितवनका बरिष्ठ उपाध्यक्ष चुननारायण श्रेष्ठद्वारा सेवाकेन्द्रको उद्घाटन रिबन काटेर गर्नु भएको छ ।
उद्घाटन कार्यक्रममा बोल्दै प्रमुख अतिथि श्रेष्ठले “सहकारीले बचत र ऋण सँगसँगै उत्पादनमुलक कामलाई प्राथमिकतामा राख्नुपर्ने” बताउनुभयो । “`बैंकले व्यापार र बिनिमयलाई आफ्नो मुख्य अभियान बनाए पनि आफूले हेर्ने हरेक क्षेत्रमा उत्पादनमुखी हुनसकेमा सेवाग्राहीलाई सफलता मिल्नेछ” -श्रेष्ठले भन्नुभयो ।
किसान बचत तथा ऋण सहकारी संस्था लिमिटेडका अध्यक्ष श्रीहरि चालिसे कार्यक्रममा किसानले किसानमैत्री बित्तीय कारोबार सँगसँगै सामाजिक उत्तरदायित्व अन्तर्गतका सेवामुखी कामहरू निरन्तर गर्दै आइरहेको बताउनुभयो ।
नवलपुरको गैंडाकोटमा केन्द्रीय कार्यालय रहेको किसान बचतको यो २१ औँ शाखा हो । नवलपुरका ८ वटै स्थानीय निकायमा यसका शाखा र सेवा केन्द्र छन् । त्यसैगरी भरतपुर महानगरपालिका, रत्ननगर नगरपालिका र तनहुँको देवघाट गाउँपालिकामा पनि किसान बचतका सेवा केन्द्रहरू रहेका छन् ।
आगामी ५ वर्षभित्र कुल ४० वटा शाखा मार्फत सेवा प्रदान गर्ने लक्ष्य रहेको अध्यक्ष चालिसेले बताउनुभयो ।
नारायणगढ शाखाका संयोजक शंकर घिमिरेले किसान बचतले नारायणगढका व्यवसायी र नगरबासीको सेवा गर्न आएकोले सेवा गर्ने मौका दिन अनुरोध गर्नुभयो ।
७० हजार बढी सदस्य रहेका किसान साकोसको ३ अर्ब बराबरको पुँजी छ । किसानले कृषि, व्यापार, पेशा, साना व्यवसाय, लघुउद्यम, शिक्षा, घरजग्गा, हायरपर्चेज, अटो लगायतका क्षेत्रमा ऋण प्रदान गर्दै आइरहेको छ ।
कार्यक्रममा किसान साकोसका सञ्चालक समिति सदस्यहरु, सेवाकेन्द्र व्यवस्थापन समितिहरु, सिईयो, लगाएत कर्मचारीहरुको उपस्थिति रहेको थियो। कार्यक्रमको सहजिकरण संस्थाका सचिव अनिल सापकोटाले गर्नु भएको थियो।
किसान बचत तथा ऋण सहकारी संस्था लि, सौहार्द सेवा केन्द्र सौराहाचोक, टाँडी, रत्ननगर १, चितवनद्वारा आयोजित १ दिने झोल साबुन तथा बाटेको धुप बनाउने तालिम सम्पन्न भएको छ । यस कार्यक्रममा संस्थाका महिला समुहमा आवद्ध महिला सदस्यहरुको सीप विकास तथा उद्यमशिलता विकास र आर्थिक स्तर उकास्ने उद्देस्यले रत्ननगर १ स्थीत हरिहर बेन्क्युटक सभाहलमा सञ्चलान भएको हो ।
कार्यक्रमको उद्घाटन प्रमुख अतिथि सहकारी उपशाखा प्रमुख श्री गृष्मा शर्माले ब्यानर पढेर गर्नुभएको थियो । उहाँले तालिम पछि किसान साकोसका सबै सदस्यहरुले आफ्नो सीपबाट उत्पादन भएको सामाग्रीबाट आय आर्जन गर्दै आत्म निर्भर र स्वाबलम्बी हुनुहुनेछ भन्ने विश्वास राख्दै, थप तालिमहरुको आयोजना गरी किसान साकोस सौहार्द सेवा केन्द्रले आफ्ना सदस्यलाई साच्चै गरिविको रेखाबाट माथि उकास्ने छ भन्ने अपेक्षा सहित शुभकामना व्यक्त गर्नुभयो ।
लघुवित्त उप समिति संयोजक श्री सविता पौडेलद्वारा स्वागत मन्तव्य राख्नुभएको कार्यक्रममा अतिथिको रूपमा केन्द्रीय प्रतिनिधी सह सचिव श्री सरस्वती कँडेल, केन्द्रीय प्रतिनिधी सञ्चालक सदस्य पार्वती ज्ञावली, लघु वित्त उप समिति सदस्य श्री अन्जु घिमीरे, लघुवित्त प्रमुख प्रेम अधिकारी लगायतको उपस्थिति थियो। तालिमको सहजकर्ता संस्थाका सह सचिव सरस्वती कडेल र सञ्चालक सदस्य श्री पार्वती ज्ञावली गर्नुभएको थियो ।
तालिमपछि लालीगुँरास महिला समुहको अध्यक्ष सुर्यवती उपाध्यायले तालिमले सबैको आय आर्जनमा वृद्धि हुने र आफुलाई खर्च गर्ने रकम आफै कमाउन सकिने, तालिमले महिलाहरुलाई सक्षम र नेतृत्व विकास गराउने साथै महिलाहरुलाई आवश्यकता बमोजिम गर गहना बनाउने तालिमको समेत अपेक्षा राख्दै मन्तव्य व्यक्त गर्नुभयो ।
त्यस्तै सक्रिय महिला समुहको सचिव रोसा सापकोटाले तालिमबाट सिकेको सिपको पूर्ण प्रयोग गर्दे आय आर्जन भएको सबै रकम संस्थामै बचत गर्ने बानीको विकास गर्नुपर्ने विचार राख्नुभयो ।
उक्त कार्यक्रम सौहार्द सेवा केन्द्र संयोजक श्री चन्द्रप्रसाद नेपालको सभापतित्वमा सम्पन्न भएको थियो। ५५ जना उपस्थित कार्यक्रममा २७ समूहबाट ४७ जनाले तालिममा सहभागिता जनाएका थिए । कार्यक्रमको सञ्चालन इन्चार्ज भरत प्रसाद पौडेलले गर्नुभएको थियो।
किसान बचत तथा ऋण सहकारी संस्था लि.को भविष्य निर्माण सेवा केन्द्रको मध्यविन्दु–७ चोरमारामा मिति ०७७ माघ १२ सोमबारबाट कारोवार शुभारम्भ गरिएको छ । मध्यविन्दु–८ रानिटारबाट यसअघि सेवा प्रदान हुँदै आएकोमा चोरमारा बजारबाट पनि भबिष्य निर्माण सेवा केन्द्र मार्फत सेवा बिस्तार गरिएको हो ।
चोरमारा बजार स्थित भविष्य निर्माण सेवा केन्द्रको नयाँ कार्यालय परिसरमा सेवा केन्द्रका संयोजक धनञ्जय शर्माको अध्यक्षता तथा नगरपालिका प्रमुख चन्द्र बहादुर रानाको प्रमुख आतिथ्यता, विशेष उपस्थितिमा संस्थाका अध्यक्ष श्रीहरि चालिसे, संस्थाका सञ्चालक समितीका पदाधिकारी तथा सेवाकेन्द्र संयोजकहरु एवं प्रमुख कार्यकारी अधिकृत श्री नवराज सापकोटाको बिशेष उपस्थिति बिच मध्यविन्दु नगरपालिकाका प्रमुख चन्द्र बहादुर रानाले रिबन काटेर सेवाको शुभारम्भ गर्नु भएको हो ।
कार्यक्रममा बोल्दै मध्यबिन्दु नगरपालिका प्रमुख चन्द्र बहादुर रानाले “सहकारीको माध्यमले हरेक क्षेत्रमा टेवा पु¥याएको” बताउनुभयो । “विशेष गरि सहकारीमा आबद्ध भएका महिलाहरुको आर्थिकस्तरमा परिर्वतन भएको भन्दै व्यबसायीकतातर्फ उन्मुख हुँदै गएको” बताउनुभयो ।
कार्यक्रममा बोल्दै मध्यबिन्दु नगरपालिका वडा न ७ का वडाअध्यक्ष अमृत प्रसाद ज्ञवालीले “नगरपालिकामा आर्थीक खम्बा थपिएको भन्दै यसको संरक्षण गर्नुपर्ने” बताउनुभएको थियो ।
सो अबसरमा संस्थाका अध्यक्ष श्रीहरि चालिसेले “संस्थाले रजत महोत्सवलाई संघसंस्थाहरुलाई सहयोग गरेर मनाउने” बताउनुभयो । संस्थाले हरेक ठाँउमा छरिएर सदस्यहरुको हक हितका लागि कार्य गरिरहेको बताउनुभयो ।
कार्यक्रममा मध्यबिन्दु नगरपालिका उपप्रमुख ओमकुमारी महत्तो, सहकारी शाखाका बिष्णु प्रसाद शर्मा, जिल्ला बचत तथा क्रण सहकारी सस्थाका अध्यक्ष माधब प्रसाद गौतम, वडा न ७ का वडाअध्यक्ष अमृत प्रसाद ज्ञवाली, वडा न ५ का वडाअध्यक्ष नुमाकान्त पाठक, वडा न ६ का वडाअध्यक्ष सुर्य प्रसाद न्यौपाने, मध्यबिन्दु उद्योग बाणीज्य संघका अध्यक्ष केदार प्रसाद पराजुली, नबजागरण नुमना माध्यमिक विद्यालयका प्रधानाध्यापक हरि प्रसाद देबकोटा सहित विभिन्न संघसंस्थाका प्रमुख तथा प्रतिनिधीहरुको आतिथ्यता रहेको थियो ।
कार्यक्रममा संस्थाको रजत बर्षको अवसरमा पञ्चवटि र भविष्य निर्माण सेवा केन्द्रका संस्थापक कार्यसमिति, उपसमिति, संस्थापक शेयर सदस्य, सेवा केन्द्र व्यवस्थापन उपसमिति लगायत विभिन्न विधामा उत्कृष्ट शेयर सदस्यज्यूहरुलाई सम्मानित गरिएको थियोे । कार्यक्रमको सहजिकरण संस्थाका सचिव अनिल सापकोटाले गर्नुभएको थियो ।
किसान बचत तथा ऋण सहकारी संस्थाले प्रथामिक स्वाथ्य केन्द्र चोरमारालाई अत्याधुनिक डिजिटल एक्स–रे र अल्ट्रासाउण्ड मेसीन हस्तान्तरण गरेको छ ।
किसान साकोसका अध्यक्ष श्रीहरी चलिसेले सभापतीत्व गर्नुभएको अर्को कार्यक्रममा सामजिक उत्तरदायित्व निभाउदै किसान साकोसद्वारा लायन्स क्लब र मध्यविन्दु नगरपालिकाको उपस्थितीमा प्राथमिक स्वास्थ केन्द्र चोरमारालाई डिजिटल एक्सरे तथा भिडयाे एक्सरे लगायत स्वास्थ सामाग्री हस्तान्तरण गरिएको थियो । उक्त कार्यक्रम संस्थाका सचिव अनिल सापकोटाले सञ्चालन गर्नु भएको थियो । मिति ०७७ माघ १२
