किसान बचत तथा ऋण सहकारी संस्था लि.को, समृद्धि भरतपुर सेवा केन्द्र अन्तर्गत एक दिने संस्थागत परिचय एवं लघुवित्त सम्बन्धी अन्तरकृया कार्यक्रम भरतपुर-११, पोखरीचोकको सभाहलमा ११४ जना स्थानीयको सहभागितामा सम्पन्न भयो।
सेवा केन्द्र सह-संयोजक श्री अम्बिका सुवेदीज्यूको अध्यक्षता रहेको उक्त कार्यक्रममा विशेष उपस्थिती संस्थाका उपाध्यक्ष श्री भोजराज पौडेल, कोषाध्यक्ष श्री प्रेम सापकोटा, सहसचिव सरस्वती कडेल, ऋण संयोजक तथा पुर्व अध्यक्ष श्री गोपाल प्रसाद गौतम, हिमचुली सेवा केन्द्र संयोजक जयलाल पराजुली, लेखा तथा सुपरिवेक्षण सदस्य श्री विष्णु प्रसाद सापकोटा, प्रमुख कार्यकारी अधिकृत श्री नवराज सापकोटा लगाएत लघुवित्त प्रमुख प्रेम प्रसाद अधिकारी, सेवा केन्द्र व्यवस्थापन समिति श्री प्रेम प्रसाद काफ्ले, श्री गौरी शर्मा, श्री अनिता तिमिल्सिना, श्री हरि कुमार कार्की, श्री गोमा देवि, सेवा केन्द्र ईन्चार्ज श्री सुबास गौतम लगाएत कर्मचारीहरु सतिस शर्मा, शुभद्रा तिवारीको उपस्थितीमा सम्पन्न भयो।
कार्यक्रममा संस्थाका ऋण संयोजक तथा पुर्व अध्यक्ष श्री गोपाल प्रसाद गौतमज्यूले संस्थामा आब्द्ध भएर नियमित बचत गर्ने बानी बसाल्न आग्रह गर्नु भयो। ऋणको लागि केन्द्रिय कार्यलयमा गईराख्नु नपर्ने र सदस्यता डुप्लिकेशनको समस्य सदस्यलाई नहुने बताउनु भयो।
कोषाध्यक्ष श्री प्रेम सापकोटाले संस्थाले सञ्चालन गरेको लघुवित्त कार्यक्रममा सकृय सहभागी भएर आफ्नो जिवन स्तरलाई उच्च बनाउन यस संस्थाले लघुवित्त कार्यक्रम सञ्चालनमा ल्याएको बताउनु भयो। साथ-साथै संस्थाले सञ्चालनमा ल्याएको सदस्य सहुलियत कार्डलाई पनि सदुपयोग गरि सुबिधा लिनुहुन अनुरोध गर्नु भएको थियो।
कार्यक्रममा प्रमुख कार्यकारी अधिकृत नवराज सापकोटाज्यूले कार्यक्रममा उठेका प्रश्नलाई सम्बोधन गर्नुभएको थियो भने लघुवित्त प्रमुख श्री प्रेम अधिकारी ज्यूले सहजीकरण गर्नु भएको थियो।
शेयर सदस्य बालकुमारी बरालज्यूले संस्थाको स्थापन नवलपुरमा भएको र यस भरतपुर महानगरपालिकाको यस क्षेत्रमा आँऊदा कस्तो हो र के हो भन्ने कुरा लागि रहेको थियो तर अन्ततः किसान साकोस अरु भन्दा फरक र सदस्य हितको निम्ती आएको बताउनु भएको थियो।
